2 KHANG TANGTHU NIHNATE 19:10 - Tedim Bible

¹⁰ A khuapi uhah a teng na sanggamte uh tung panin mi kithahna thu, thukham ahih kei leh thupiakna, upadi ahih kei leh biakna ngeina kipte tawh kisai-in thu khat peuhpeuh note tungah hong tun ciangin, amaute in Topa’ mai-ah mawhna a piansak loh nading le note le na sanggamte uh tungah hehna hong tun loh nadingin amaute na hilh ding uh hi. Tua bangin na gamta ding uh a, mawhna na piangsak kei ding uh hi.

Tedim Bible Revision 2017

¹⁰ A khuapi uh ah a teeng na sanggamte uh tung panin mi kithahna thu, thukham ahih kei leh thupiakna, upadi ahih kei leh biakna ngeina kipte tawh kisai-in thu khat peuhpeuh note tungah hong tun ciangin, amaute in Topaʼ mai ah mawhna a piansak loh nading le note le na sanggamte uh tungah hehna hong tun loh nadingin amaute na hilh ding uh hi. Tua bangin na gamta ding uh a, mawhna na piangsak kei ding uh hi.

2 KHANG TANGTHU NIHNATE 19:10 Referans Kwoze

1 THESALONIKA MASA 5:14

Sanggamte aw, a thadah mite hilh unla, a meidawite hanthawnin, a zawngkhal mite huh unla, hih bang mite ngongbawl kei un.

Sawltak 20:31

Tua ahih ciangin limtakin kiging unla, kum thum sung tawntung khitui naptui tawh note khempeuh ka hong thuhilhna na ciamteh un.

Ezekiel 33:6

Ahi zongin galvil pa in galte hong pai mu napi-in pataukohna peengkul a tum kei a, galte hong pai-in mi a thah leh, tua a site amau’ mawhna hangin a si hitaseleh galvil pa ka ngawh ding hi.

2 KHANG TANGTHU NIHNATE 19:2

Ahih hangin amah a dawn dingin Hanani’ tapa, thumu pa Jehu hong paikhia a, Kumpi Jehoshafat kiangah, “Mi gilote huhin Topa a mudahte it ding na hi hiam? Hih thu hangin Topa’ hehna nang tungah hong tungzo hi.

Gamlak-vakna 16:46

Moses in Aaron kiangah, “Na paknamtui beel la-in, biakna tau pana mei a sungah koih inla, a tungah paknamtui koihin, mihonte’ lakah paipih mengmeng inla, amaute a dingin kilemna bawlsak in. Bang hang hiam cih leh Topa’ kiang panin hehna hong paikhia khin a, gimna kipan khin hi,” a ci hi.

2 KHANG TANGTHU NIHNATE 19:9

Tua ciangin amah in amaute thuhilh a, “Topa zahtakna, cihtakna, le na lungsim khempeuh uh tawh hih bangin na hih ding uh hi:

Ezekiel 3:17

“Mihing ahi Ezekiel aw, Israel minamte’ galvil pa dingin nang kong koih hi. Nangma tungah ka hong gen hilhkholhnate khempeuh amaute tungah na gensawn ding hi.

Paikhiatna 18:16

Amaute in thu a neih uh ciangin kei kiangah hong pai uh a, mi khat le a vengpa’ kikalah thu ka khen a, Pasian’ ngeina kipte le ama thukhennate amaute ka theisak hi,” a ci hi.

Gamlak-vakna 17:11

Tua ahih manin Topa’ sawl bangin Moses in zong a hih hi.

Thu-hilhkikna 21:5

Topa na Pasian un Levi mi siampite ama na a sem ding le Topa’ min tawh thupha a pia dingin teelkhia ahih manin amaute hong pai ding uh a, kithuneihna le kitotna peuhmah amau’ thu tawh kivengsak ding hi.