2 KHANG TANGTHU NIHNATE 18:22 - Tedim Bible

²² “Tua ahih ciangin Topa in hih na kamsangte’ kam sungah zuauthu a gen kha khat koih khin ahihna thei in. Topa in nang na siatna ding gen khinzo hi,” a ci hi.

Tedim Bible Revision 2017

²² “Tua ahih ciangin Topa in hih na kamsangteʼ kam sungah zuau thu a gen kha khat koih khin ahihna thei in. Topa in nang na siat nading gen khinzo hi,” a ci hi.

2 KHANG TANGTHU NIHNATE 18:22 Referans Kwoze

Ezekiel 14:9

Kamsang khat peuhpeuh in khemna tawh a man loin thu hong dawn leh, Topa ahi keima khem hi ding hi. Israel mite lak panin tua kamsangpa ka lakhia ding hi.

Isaiah 19:14

Topa in amaute’ lungsim kitukalhsak khinzo hi. Zukham pa ama luak lakah a puk bangin Egypt gam mite’ hihna khempeuh khialin hoimang khin hi.

JOB (Job) 12:16

“Pasian thahatin gualzo tawntung a, mi khemte le khemna a thuakte Pasian’ ukna nuai-ah a om uh ahi hi.

Micah 2:3

Tua ahih ciangin Topa in hih bangin ci hi: Note’ tungah gimna tunsak ding ka ngaihsun a, tua gimna tawh na kipelh thei kei ding uh hi. Note a dingin hun hoih lo hi ding ahih manin kiphatsakna tawh na gamta nawn kei ding uh hi.

Jeremiah 18:11

Tua ahih manin tu-in, Judah mite le Jerusalem khuamite’ kiangah Topa in a cihin-ah, ‘En un, note’ siatna ding ka geel a, note’ langkhatah ngimna khat ka nei hi. Na vekpi-un na siatna uh pan kilehkik unla, na omdan uh le na nasepnate uh bawlpha un,’ va ci in.

Isaiah 3:11

Migilo in gimna ngah ta hen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

2 KHANG TANGTHU NIHNATE 25:18

Tua ciangin Israel kumpi Joash in Judah kumpi Amaziah kiangah thu puak a, “Lebanon-a thangling kung in Lebanon-a taamtak tungah thu puak a, ‘A zi dingin ka tapa’ tungah na tanu pia in,’ ci hi. Tua ciangin Lebanon gamsa khat hong pai-in thangling kung tuancil hi.

2 KHANG TANGTHU NIHNATE 18:17

Tua ciangin Israel kumpipa in Jehoshafat kiangah, “Amah in kei tawh kisai a hoih gen loin a sia bek gen ding hi, ci-in nang kiangah hong gen hi lo ka hi hiam?” a ci hi.

2 KHANG TANGTHU NIHNATE 18:7

Tua ciangin Israel kumpipa in Jehoshafat kiangah, “Eite in Topa thu i dot theih nading Imlah’ tapa Mikaiah a kici mi khat omlai hi. Ahih hangin amah in kei tawh kisai a hoih thu gen ngei loin a sia bekbek gen tawntung ahih manin amah ka mudah hi,” a ci hi. Tua ciangin Jehoshafat in, “Tua bangin kumpipa in ci kei in,” a ci hi.

Paikhiatna 4:21

Topa in Moses kiangah, “Egypt-ah na ciahkik ciangin, nangma hih theih dingin vangliatna kong piaksa na lamdangte khempeuh Faro’ mai-ah na hih ding thei in. Ahih hangin keimah in ama lungsim ka khauhsak ding a, amah in mite paisak lo ding hi.

2 KHANG TANGTHU NIHNATE 18:21

Amah in, ‘Keimah paikhia-in ama kamsangte khempeuh’ kam sungah zuau thugen kha khat ka va hi ding hi,’ a ci hi. Tua ciangin amah in, ‘Nangmah in amah na va zol ding hi. Pai inla tua bangin va hih in,’ a ci hi.