2 KHANG TANGTHU NIHNATE 18:21 - Tedim Bible

²¹ Amah in, ‘Keimah paikhia-in ama kamsangte khempeuh’ kam sungah zuau thugen kha khat ka va hi ding hi,’ a ci hi. Tua ciangin amah in, ‘Nangmah in amah na va zol ding hi. Pai inla tua bangin va hih in,’ a ci hi.

Tedim Bible Revision 2017

²¹ Amah in, ‘Keimah pai khia-in ama kamsangte khempeuhʼ kam sungah zuau thu gen kha khat ka va hi ding hi,’ a ci hi. Tua ciangin amah in, ‘Nangmah in amah na va zol ding hi. Pai inla tua bangin va hih in,’ a ci hi.

2 KHANG TANGTHU NIHNATE 18:21 Referans Kwoze

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Mangmuhna 20:8

Gog le Magog a kici leitung gam khempeuhah a om minam khempeuh a khem dingin kuankhia ding hi. Satan in a galsimpih dingin tuipi gei-a sehnel zahin a tam mihonpi kaikhawm ding hi.

Mangmuhna 13:14

Ganhing masa omna-ah nalamdang bawltheih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liamsa hinapi a nungta lai ganhing pahtawi nading milim khat a bawl nadingun a gen hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

1 JOHAN MASA 4:6

Ahi zongin note pen Pasian’ mite na hi uh hi. Pasian a thei mi peuhmah in kote’ thugen hong ngai uh a, Pasian’ pawl ahi lo mi peuhmah in kote’ thugen hong ngai lo uh hi. Tua ahih manin hih bangin thuman Kha le zuau kha a kilamdanna i theithei hi.

Late 109:17

Amah in mi samsiat nuam a sa hi. Ama tungah samsiatnate tungsak in. Amah in thupha pia nuam lo hi. Kuamah in amah thupha pia kei tahen.

JOB (Job) 2:6

Tua ciangin Topa in Satan kiangah, “En in, na khut sungah amah kong ap hi; ahi zongin amah sisak kei in,” a ci hi.

JOB (Job) 1:12

Tua ciangin Topa in Satan kiangah, “En in, ama neihsa khempeuh na khut sungah kong ap hi; ahi zongin amah taktak ahihleh na su kei ding hi,” a ci hi. Tua ciangin Topa’ omna panin Satan a paikhia hi.

2 KHANG TANGTHU NIHNATE 18:22

“Tua ahih ciangin Topa in hih na kamsangte’ kam sungah zuauthu a gen kha khat koih khin ahihna thei in. Topa in nang na siatna ding gen khinzo hi,” a ci hi.

2 KHANG TANGTHU NIHNATE 18:19

Tua laitakin Topa in, ‘Israel kumpipa Ahab kuanto-in Ramothgilead-ah a pukna dingin kua in amah zol ding ahi hiam?’ a ci hi. Tua ciangin khat in thu khat gen a, adang khat in thudang khat a gen hi.

Thukhente 9:23

Pasian in Abimelek le Shekhem mite kikalah kigalneihna omsak a, Shekhem mite in Abimelek lehdo uh hi.