2 KHANG TANGTHU NIHNATE 18:13 - Tedim Bible

¹³ Ahih hangin Mikaiah in, “Topa a nungta ahih mah bangin, ka Pasian’ gen thu bek ka gen ding hi,” a ci hi.

Tedim Bible Revision 2017

¹³ Ahih hangin Mikaiah in, “Topa a nungta ahih mah bangin, ka Pasianʼ gen thu bek ka gen ding hi,” a ci hi.

2 KHANG TANGTHU NIHNATE 18:13 Referans Kwoze

Gamlak-vakna 22:35

Topa’ vantungmi in Balaam kiangah, “Mite zui in; ahih hangin nang kong sawlteng bek na gen ding hi,” a ci hi. Tua ahih ciangin Balaam in Balak’ uliante a zuisuak hi.

Gamlak-vakna 24:13

‘Balak in kham le ngun tawh a kidim ama inn hong pia ding hitaleh zong, Topa’ thu banah keima thu-in a pha bawl ding ahi a, a sia bawl ding ahi zongin bangmah ka hih thei kei hi. Topa’ gente bek keimah in ka gen ding hi,’ ci-in gen khin hi lo ka hi hiam?

1 THESALONIKA MASA 2:4

Pasian in kote hong thei-in Lungdamna Thu a hilh dingin kilawm hong sa ahih mah bangin mite’ lungdam theih nadingin thu a hilh hi loin kote’ lungsim ngimna a hong thei Pasian’ lungkim nadingin thu a hilh ka hizaw uh hi.

Galati 1:10

Hih bangin thu ka gen ciangin mite’ hong pahtak theih nading a zong tawh kibang na hong sa uh hiam? Mite’ pahtak ding a ut ka hi kei a, Pasian’ hong pahtak ding a hanciam ka hi hi. Mihingte’ hong pahtak theih nadingin a gamta hi zenzen leng, Khrih’ nasem ka hi kei ding hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.

1 KORIN MASA 11:23

Bang hang hiam cih leh note kiangah ka hong gen thu pen Topa kiang panin ka ngah thu hi a, tua thu in: Topa Jesuh a kilehhek ding nitakin anlum la-in,

Sawltak 20:27

Bang hang hiam cih leh note tungah Pasian’ thu kong gen loh khat zong om nawn lo hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Jeremiah 42:4

Kei zong amaute kiangah, “Nong genna uh ka thei khinzo hi. En un, nong ngetna bangun Topa na Pasian uh kiangah thu ka ngen ding a, Topa’ hong dawnkikna bangbang ka hong gen ding hi. Bangmah kong im kei ding hi,” ka ci hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thugenna a za mipa in ka thugente mah mantakin gen tahen. Buhtu le buhtang bangci kibat theih ding ahi hiam, Topa in kong ci hi.

1 KUMPI MASATE 22:14

Ahih hangin Mikaiah in, “Topa a nungta ahih mah bangin, Topa in kei tungah hong gen thu ka gen ding hi,” a ci hi.

Gamlak-vakna 23:26

Ahih hangin Balaam in Balak kiangah, ” Topa’ cih khempeuh keimah in ka hih ding hi,’ hong ci hi lo ka hi hiam?” ci-in a dawng hi.

Gamlak-vakna 23:12

Amah in, “Topa in ka gen dingin hong sawl thu, don lo ding ka hi hiam?” ci-in a dawng hi.

2 KHANG TANGTHU NIHNATE 18:12

Tua ciangin Mikaiah a sam dingin a pai kamtai pa in ama kiangah, “En in, thu kikhatin kamsangte’ thugen pen kumpipa a dingin a hoihlam ahi hi. Nang zong amaute’ gen bangin gen inla, a hoihlamin gen in,” a ci hi.

2 KHANG TANGTHU NIHNATE 18:14

Kumpipa kiangah amah hong tun ciangin kumpipa in ama kiangah, “Mikaiah aw, Ramothgilead-ah galsim dingin kuan ding ka hi hiam, tua ahih kei leh thuak ding ka hi hiam?” a ci hi. Tua ciangin amah in dawngin, “Kuanto inla va gualzo ve! Na khut sungah amaute hong kipia ding hi ve’n,” a ci hi.