2 KHANG TANGTHU NIHNATE 17:6 - Tedim Bible

⁶ Topa’ na a sepna-ah hang mahmah a, Judah gam sung panin mual dawna biakpiaknate le Asherah milimte a lakhia hi.

Tedim Bible Revision 2017

⁶ Topaʼ na a sepna ah hang mahmah a, Judah gam sung panin mual dawna biakpiaknate le Asherah milimte a la khia hi.

2 KHANG TANGTHU NIHNATE 17:6 Referans Kwoze

Hosea 14:9

Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Late 119:1

Amau’ gamtatna-ah paubaan om loin Topa’ ngeina sungah a gamtate thupha ngah ahi hi.

2 KHANG TANGTHU NIHNATE 20:33

Ahi zongin mual dawna biakpiaknate kilakhia lo hi. Mite in a lungsim uhah a pu a pate uh’ Pasian ngaihsun nai lo uh hi.

2 KHANG TANGTHU NIHNATE 15:17

Ahih hangin Israel gam sung panin mual dawna biakpiaknate kilakhia lo hi. Ahi zongin ama hunsung tawntung Asa’ lungsim paubaang lo hi.

Late 138:5

Topa’ minthanna lian mahmah ahih manin amaute in Topa’ nasepna ziate la-in sa ding uh hi.

2 KHANG TANGTHU NIHNATE 19:3

Ahi zongin nang na hoihna pawlkhat om hi; bang hang hiam cih leh nangmah in gam sung panin Asherah milimte nusia-in Pasian zon ding na lungsimah na ngaihsun hi,” a ci hi.

1 KUMPI MASATE 22:43

Amah in a pa Asa’ khekhap tawn a, tua lampi panin pial loin, Topa’ muhna-ah a manin gamta hi. Ahi zongin mualtung a biaknate kilakhia lo a, mite in tuate tungah biakna pia lai-in paknamtui hal uh hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

JOB (Job) 22:26

Pasian muanin na nei tawntung ding a, na lungdamna bulpi amah ahihlam na thei ding hi.

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite-ah pai-in biakna songte sat khamin Asherah milimte phukin, Judah le Benjamin sung, le Efraim le Manasseh sunga mual dawna biakpiaknate le biakna taute a suksiat khit mateng uh phelkek uh hi. Tua ciangin Israel mi khempeuh, a mi kimin amau’ inn omna a khuapi ciat uhah a ciah uh hi.

2 KHANG TANGTHU NIHNATE 14:3

Amah in gamdang biakna taute le mual dawna biakpiakna munte lakhia-in, biakna songte supai-in Asherah milimte phuk a,

Thu-hilhkikna 28:47

Hih a tampi nate khempeuh om napi-in note in lungdamna le lungsim kipahna tawh Topa note’ Pasian’ na sem lo na hih manun,

Paikhiatna 34:13

Nangmah in amau’ biakna taute phelin, amau’ biakna khuamte kuaitanin, amau’ Asherah milimte na phukpai ding hi.

2 KHANG TANGTHU NIHNATE 14:2

Tua ciangin Asa in ama Pasian, Topa’ mitah a hoih le a man na sem hi.