2 KHANG TANGTHU NIHNATE 17:5 - Tedim Bible

⁵ Tua ahih ciangin Topa in ama khut sungah kumpi gam kipsak a, Judah mi khempeuh in Jehoshafat tungah siah puak uh hi. Amah hau mahmah a, minthang mahmah hi.

Tedim Bible Revision 2017

⁵ Tua ahih ciangin Topa in ama khut sungah kumpi gam kipsak a, Judah mi khempeuh in Jehoshafat tungah siah puak uh hi. Amah hau mahmah a, minthang mahmah hi.

2 KHANG TANGTHU NIHNATE 17:5 Referans Kwoze

2 KHANG TANGTHU NIHNATE 18:1

Jehoshafat hau-in hong minthan’ ciangin Ahab tawh numei-a kizopna a bawl hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

1 PETER MASA 5:10

Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a vanpuakte uh suahkhia uh a, kham, saledi paknamtui, le myrrh paknamtuite, letsongin a pia uh hi.

Late 127:1

Topa in inn lampih kei leh innlamte’ sepna a mawkna ahi hi. Topa in khuapi hutpih kei leh khuapi cingte’ cinna a mawkna ahi hi.

JOB (Job) 42:12

Tua tham loin Topa in Job’ nuntakna a masa lam sangin a nunung lamah thupha limpiak zaw hi. Job in tuu tul sawm le tulli, kalaoh tulguk, bawngtal kap tulkhat, le la a pi tulkhat a nei hi.

2 KHANG TANGTHU NIHNATE 32:23

Tua ciangin mi tampi in Jerusalem khua Topa kiangah letsongte hong puakin, Judah kumpi Hezekiah kiangah na manphate hong puak uh a, tua hun a kipanin minam khempeuh’ muhna-ah amah kisangtawi hi.

1 SAMUEL MASA 10:27

Ahih hangin bangmah a man lo mi pawlkhat in, “Hih mipa in eite hong bangci hotkhiat zawh ding ahi hiam?” a ci uh hi. Amaute in amah simmawhin ama kiangah letsong puak lo uh hi. Ahih hangin amah in tua mite bangmah cih lo hi.

Late 68:29

Jerusalem-a na biakinn hangin kumpite in nang tungah letsong hong puak uh hi.

Late 132:12

Na tate in, amau’ tungah ka hilh ding ka thuciamna le ka teci pannate a zuih nak-uhleh, amau’ tate zong na kumpi tokhom tungah tu paisuak ding uh hi,” na ci hi.

Late 76:11

Topa na Pasian’ tungah na thuciamnate uh pia unla, tuate khempeuh zui un. Leitung kumpite sangin a kihtakhuai zaw, uliante’ lungsim a niamkhiat, zahtak ding ahipa’ tungah, ama kiimah a om mi khempeuhte in letsong puak ta uh hen!

Late 72:10

Tarshish kumpite le tuikulh neu-a kumpite in ama tungah siah pia uh hen la, Sheba le Seba kumpite in letsong puak ta uh hen.

2 KHANG TANGTHU NIHNATE 9:27

Kumpipa in Jerusalem-ah suang bangin ngun olsak a, Shefelah theithek sing bangin taamtak sing tamsak hi.

2 KHANG TANGTHU NIHNATE 1:15

Tua ciangin kumpipa in Jerusalem-ah suang bangin ngun le kham olsak a, taamtak singte pen Shefelah theithek sing bangin tamsak hi.

1 KUMPI MASATE 10:27

Kumpipa in Jerusalem-ah suang bangin ngun olsak a, amah in Shefelah theithek sing bangin taamtak sing tamsak hi.

1 KUMPI MASATE 10:25

Amaute khempeuh in letsong, ngun le kham tawh kibawl nate, puante, myrrh paknamtui, a namtui nate, sakolte, le la-sakolte, a kumkumin tampi tak hong puak uh hi.

1 KUMPI MASATE 4:21

Solomon in Eufratis panin Filistia gam le Egypt gamgi ciang dong kumpi gam khempeuh uk hi. Amaute in siah hong puak uh a, a nuntak sung tawntung uh Solomon’ na sem uh hi.

Piancilna 13:2

Abram in ganhing, ngun, le kham hau mahmah hi.

Paunak 16:12

Thumanin gamtatna bek in kumpi kipsak ahih manin a sia-a gamtat ding kumpite ut lo uh hi.