2 KHANG TANGTHU NIHNATE 17:1 - Tedim Bible

¹ Tua ciangin a tapa Jehoshafat in ama tangin uk a, Israel langpangin amahmah kithakhauhsak hi.

Tedim Bible Revision 2017

¹ Tua ciangin a tapa Jehoshafat in ama tangin uk a, Israel langpangin a mahmah kithakhauhsak hi.

2 KHANG TANGTHU NIHNATE 17:1 Referans Kwoze

1 KUMPI MASATE 15:24

Tua ciangin Asa si a, a pupi David khuapi sungah a pate tawh kivui hi. Tua ciangin ama tangin a tapa Jehoshafat in a uk hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Mattiu 1:8

Asa ta Jehoshafat, Jehoshafat ta Joram, Joram ta Uzziah,

2 KHANG TANGTHU NIHNATE 32:5

Amah in lungsim khotakin sep ding kipan a, a cimsa kulh khempeuh ciangpha-in tua tungah tausangte koihto a, tua pualamah kulh dang khat a ciang hi. Amah in David khuapi sungah Millo a muanhuai-in a bawlpha hi. Amah in galhiamte le lumte zong tampi bawl hi.

Ezekiel 7:27

Kumpipa dahin thum ding a, ulian pen pa a cih nading thei loin omcipin, mi khempeuh lau-in ling ding uh hi. Na gamtatna uh tawh kizui-in gim kong pia ding a, midangte tungah thu na khen bangun note tungah thu kong khen ding hi. Hih bangin kong hih ciangin Topa ka hih lamtak na thei ding uh hi,” cihna thu ahi hi.

2 KHANG TANGTHU NIHNATE 26:8

Ammon mite in Uzziah tungah siah puak uh a, amah a thahat mahmah suak ahih manin a minthanna in Egypt gam ciang dong nangawn zel hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah a kipan amah tawh a om Israel mi khempeuh in Topa’ thukham nusia uh hi.

1 KHANG TANGTHU MASATE 11:10

Tu-in hihte pen Israel tawh kisai-in Topa’ thugen bangin amah kumpi-in a bawl dingin Israel khempeuh tawh ama kumpi gam sungah amah nakpitakin a huh David’ mi a thahat a ukpite ahi hi.

1 KUMPI MASATE 22:41

Israel kumpi Ahab’ kum lina kumin Asa’ tapa Jehoshafat in Judah gamah uk ding kipan hi.

1 SAMUEL MASA 23:16

Tua ciangin Saul’ tapa Jonathan dingin David kiang Horesh-ah pai a, Pasian in hong huh ding hi, ci-in amah a hanthawn hi.

2 KHANG TANGTHU NIHNATE 17:2

Amah in Judah khuapi kulhneite khempeuhah galkapte koih a, Judah gam sung le a pa Asa in a laksa Efraim khuapite sungah khuacingte a koih hi.

2 KUMPI NIHNATE 1:17

Tua ahih ciangin Elijah’ gensa Topa’ kammal tawh kizui-in amah si hi. Ahaziah in tapa nei lo ahih manin Judah kumpipa Jehoshafat’ tapa Jehoram’ kum nihna kumin, a sanggampa Joram ama tangin kumpi a suak hi.