2 KHANG TANGTHU NIHNATE 16:7 - Tedim Bible

⁷ Tua hun laitakin Judah kumpi Asa kiangah thumu pa Hanani hong pai-in ama kiangah, “Nangmah in Syria kumpipa suangin, Topa na Pasian suang lo na hih manin, Syria kumpipa’ galkapte in nang hong suaktasak hi.

Tedim Bible Revision 2017

⁷ Tua hun laitakin Judah kumpi Asa kiangah thumu pa Hanani hong pai-in ama kiangah, “Nangmah in Syria kumpipa suangin, Topa na Pasian suang lo na hih manin, Syria kumpipaʼ galkapte in nang hong suaktasak hi.

2 KHANG TANGTHU NIHNATE 16:7 Referans Kwoze

2 KHANG TANGTHU NIHNATE 19:2

Ahih hangin amah a dawn dingin Hanani’ tapa, thumu pa Jehu hong paikhia a, Kumpi Jehoshafat kiangah, “Mi gilote huhin Topa a mudahte it ding na hi hiam? Hih thu hangin Topa’ hehna nang tungah hong tungzo hi.

1 KUMPI MASATE 16:1

Tua ciangin Baasha langpangin Hanani tapa Jehu tungtawnin Topa’ thu hong tung a,

Isaiah 31:1

Egypt gamah huhna ngen dingin paisuk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-te’ Siangtho Pa a suang lo, Topa thu a dong lote in gimna ngah ta hen!

2 KHANG TANGTHU NIHNATE 20:34

Tu-in Jehoshafat’ gamtatna a omlaite, a patna pan a tawp dongin, Israel Kumpite’ Tangthu sunga a kiciamteh, Hanani’ Tapa Jehu’ Khang Tangthu sungah kigelh hi.

2 KHANG TANGTHU NIHNATE 13:18

Judah mite in a pu a pate uh Pasian, Topa suang uh ahih manin gualzo uh a, tua hunin Israel mite kizo hi.

1 KHANG TANGTHU MASATE 5:20

Amaute a sim nadingin huhna a ngah uh ciangin Hagri mite le amau tawh a kipawl khempeuhte amaute’ khut sungah kipia hi; bang hang hiam cih leh gal kidona sungah amaute in Pasian’ tungah ko uh a, amaute in Pasian muang uh ahih manin amah in amaute’ thumna a pia hi.

2 KUMPI NIHNATE 18:5

Amah in Israel Pasian, Topa muang hi. Tua ahih ciangin ama nunga Judah kumpite khempeuh lak hitaleh ama mai-ate lak hitaleh ah amah tawh a kibang kuamah dang om lo hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

1 KUMPI MASATE 15:19

“Ka pa le na pa mah bangin kei le nang kikalah kipawlna khat omsak ni. Ngun le kham letsong nangma tungah kong puak hi. Keima kiang panin amah a nungkik theih nadingin Israel kumpi Baasha tawh na kipawlna va sutat in,” a ci hi.

2 KHANG TANGTHU NIHNATE 14:11

Tua ciangin Topa Pasian’ tungah Asa kiko a, “Topa aw, a thahat le a zawngkhal a kidona-ah a huh dingin nang tawh a kibang kuamah dang om lo hi. Kote hong huh in, Topa kote’ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, kote’ Pasian na hi hi; mite kizosak kei in,” a ci hi.

2 KHANG TANGTHU NIHNATE 16:6

Tua ciangin Kumpi Asa in Judah mi khempeuh khawmin thu pia a, Baasha in lamna-a a zat Ramah suang le a singte amaute in puakhia uh a, tuate tawh Geba le Mizpah a lam uh hi.

2 KHANG TANGTHU NIHNATE 24:24

Syria galkapte mi tawmno hong pai hi napi-in, amaute in a pu a pate uh Pasian, Topa nusia uh ahih manin Topa in amaute’ khut sungah galkap tampi ahi mite a pia hi. Tua bangin amaute in Joash’ tungah thukhenna a pia uh hi.

Isaiah 39:3

Tua ciangin Kumpi Hezekiah kiangah kamsang Isaiah hong pai-in, “Hih mite in bang hong gen ahi uh hiam? Koi lai panin nang kiangah hong pai ahi uh hiam?” a ci hi. Hezekiah in, “Amaute, a gamlapi, Babylon gam panin kei kiangah a hong pai uh ahi hi,” a ci hi.

1 KUMPI MASATE 16:7

Tua tham loin Jeroboam innkuan bangin ama nasepna tawh hehsakin Topa’ muhna-ah a sia a gamtatna khempeuh hang le amah in Jeroboam le a innkuan a suksiatna hangin Hanani’ tapa kamsang Jehu’ tungtawnin Baasha le a innkuan langpangin Topa’ thu hong tung hi.

2 KHANG TANGTHU NIHNATE 20:32

Amah in a pa Asa’ gamtat bangmahin Topa’ muhna-ah a man na sem hi.