2 KHANG TANGTHU NIHNATE 16:2 - Tedim Bible

² Tua ahih ciangin Asa in Topa’ biakinn le kumpipa’ inn-a vanmanpha koihnate panin ngun le kham la-in, Damaskas-ah a teng Syria kumpipa Benhadad kiangah tuate puakin,

Tedim Bible Revision 2017

² Tua ahih ciangin Asa in Topaʼ biakinn le kumpipaʼ inn-a van manpha koihnate panin ngun le kham la-in, Damaskas ah a teeng Syria kumpipa Benhadad kiangah tuate puakin,

2 KHANG TANGTHU NIHNATE 16:2 Referans Kwoze

2 KHANG TANGTHU NIHNATE 28:21

Bang hang hiam cih leh Ahaz in Topa’ biakinn, kumpipa’ inn, le uliante’ inn panin vanmanphate la-in Assiria kumpipa tungah siah pia a, ahih hangin hihte khempeuh a kimanna om lo hi.

2 KUMPI NIHNATE 18:15

Tua ciangin Hezekiah in Topa’ biakinn sung le kumpipa’ inn vankoihnate-ah a om ngun khempeuh ama tungah a pia hi.

2 KUMPI NIHNATE 16:8

Ahaz in zong Topa’ biakinn sung le kumpipa’ vankoihna-a ngun le khamte la a, Assiria kumpipa tungah letsongin a puak hi.

2 KUMPI NIHNATE 12:18

Judah kumpi Joash in Judah kumpite ahi ama hun ma-a sem Jehoshafat le Jehoram le Ahaziahte’ apsa thuciam piakna letsongte khempeuh, le ama thuciam piakna letsongte, le Topa’ biakinn le kumpipa’ sumkoihnate-ah a om kham khempeuh la-in Syria kumpipa Hazael kiangah a puak hi. Tua ciangin Jerusalem panin Hazael a paikhia hi.

1 KUMPI MASATE 15:18

Tua ciangin Asa in Topa’ biakinn sung vankoihna le kumpipa inn vankoihna sungah a omlai ngun le kham khempeuh la-in ama nasemte’ khut sungah tuate a pia hi. Tua ciangin kumpi Asa in Damaskas-ah a teng, Syria kumpi, Hezion’ tapa Tabrimmon, a tapa Benhadad kiangah tuate puak a,

2 KHANG TANGTHU NIHNATE 16:1

Asa’ uk a kum sawmthum le gukna kumin Judah a simin Israel kumpipa Baasha paito a, Judah kumpipa Asa kiang panin kuamah a paikhiat theih loh nading le ama kiangah kuamah a pai theih loh nadingin Ramah khua a phut hi.

2 KHANG TANGTHU NIHNATE 16:3

“Ka pa le na pa a kipawl mah bangin kei le nang i kipawl hi. Tu-in ngun le kham kong puak hi. Kei kiang panin amah a nungkik theih nadingin pai inla Israel kumpipa Baasha tawh na kipawlna va sutat in,” a ci hi.

Jeremiah 49:23

Damaskas khua tawh kisai-in Vanglian Topa in a genin-ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.