2 KHANG TANGTHU NIHNATE 16:12 - Tedim Bible

¹² Ama uk a kum sawmthum le kuana kumin Asa in a khe-ah natna nei a, a natna nasia mahmah hi. Ahi zongin ama nat hun nangawnah amah in Topa zong lo a, zato siamte’ huhna a zong hi.

Tedim Bible Revision 2017

¹² Ama uk a kum sawm thum le kuana kumin Asa in a khe ah natna nei a, a natna nasia mahmah hi. Ahi zongin ama nat hun nangawn ah amah in Topa zong lo a, zato siamteʼ huhna a zong hi.

2 KHANG TANGTHU NIHNATE 16:12 Referans Kwoze

Jeremiah 17:5

Topa in kong cihin-ah: “Mi bek muangin mi’ hatna bek suang a, Topa tawh a lungsim a kilehngat mi in hamsiatna a ngah ahi hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topa’ tungah citak lozaw lai hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu a kipan gal na do ding hi,” a ci hi.

1 KHANG TANGTHU MASATE 10:14

le Topa’ tung panin lamlahna a zon lohna-ah Topa’ tungah a thuman lo ahi hi. Tua ahih ciangin Topa in amah that a, Jessi’ tapa David tungah kumpi gam a hei hi.

Marka 5:26

Siavuan tampi in amah bawl a, a sum neih khempeuh zangkhin napi-in noptuamzaw loin gim semsemzaw hi.

Marka 2:17

Jesuh in hih thu a zak ciangin amaute kiangah, “Cidamte in siavuan kisam lo uh a, cina mite bek in kisam uh hi. Mite in a zahtak mihoihte a kisik nadingun a sam dingin a hong pai ka hi kei a, mite in a pampaih mite a kisik nadingun a sam dingin a hong pai ka hi hi,” a ci hi.

Mattiu 9:12

Jesuh in hih thu a zak ciangin, “Cidamte in siavuan kisam lo uh a, cina mite bek in kisam uh hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Kolose 4:14

I it siavuanpa Luka le Demas in zong hong hopih uh hi.

Mattiu 7:2

Bang hang hiam cih leh midangte’ thu na khenzia uh tawh kizui-in note tungah hong khen ding a, midangte tungah na zat uh ngeina mah note tungah hong zang ding hi.

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hangin ka mite dam thei lo ahi uh hiam?

JOB (Job) 13:4

Note in na haina uh zuauthu tawh na melh uh a, kuamah a damsak zo lo zato siam-a kinei mite tawh na kibang uh hi.

Piancilna 50:2

A pa a muat loh nadingin a bawl dingin Josef in a nasem zatui siamte thu pia hi. Tua ahih ciangin zatui siamte in zatui tawh Israel a bawl uh hi.

2 KHANG TANGTHU NIHNATE 16:13

Tua ahih ciangin Asa si a, ama uk a kum sawmli le khatna kumin a bei ahi hi.