2 KHANG TANGTHU NIHNATE 16:10 - Tedim Bible

¹⁰ Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpitakin heh hi. Tua hun mahin Asa in mi pawlkhat zong gitlohna tawh a gimsak hi.

Tedim Bible Revision 2017

¹⁰ Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh a gimsak hi.

2 KHANG TANGTHU NIHNATE 16:10 Referans Kwoze

2 KHANG TANGTHU NIHNATE 18:26

Tua ciangin, ‘Hih bangin kumpipa in ci hi: Hih mipa thong sungah koih unla, lungnuam takin kong ciahkik mateng anletui tawmno bek tawh vak un, ci hi,’ ci un,” a ci hi.

Luka 3:20

Tua ciangin Herod in thong sungah Johan khia a, a gamtatsiatna a behlap lailai hi.

Kah la 3:34

Topa in thong sungah i thuak i lunggimnate a hong thei hi.

Jeremiah 51:34

“Babylon kumpipa Nebukhadnezzar in Jerusalem khua hong valhtumin, hong sukham gawp hi. Beel hawm bangin a hawmin hong koih a, gulpi’ valh bangin hong nawmvalh hi. Ka neihsa a limnono tawh amah kivak kham a, kei a hong hawlkhia hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kia sakin kol na bulh ding hi.

Jeremiah 20:2

Tua ciangin Pashhur in kamsang Jeremiah sat a, Benjamin Kongpi saknung gei, Topa’ biakinn sungah kol a bulh hi.

Isaiah 51:23

Note kiangah, ‘Na tung uhah kong pai theih nadingun kunsuk un,’ a hong ci, no a hong bawlsiate’ khut sungah tua haipi ka koih ding hi. Note in na nungzang uh leilak bangin bawlin, amaute’ pai nadingin kongzing lampi bangin na bawl khin uh hi,” a ci hi.

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amau’ gitloh gamtatnate nakpitakin langpangin thu ka ngenngen hi.

JOB (Job) 20:19

Bang hang hiam cih leh amah in mizawngte bawlsia-in don lo a, midangte’ inn lamsate sutin a tang hi.

2 KHANG TANGTHU NIHNATE 26:19

Tua ciangin Uzziah a heh suak hi. Tu-in amah in paknamtui a hal dingin a khut sungah paknamtui beel tawi a, siampite tungah a hehna hangin paknamtui biakna tau gei Topa’ biakinn sung siampite’ muhin ama taltangah phaknatna hong suakkhia hi.

2 KHANG TANGTHU NIHNATE 25:16

Ahih hangin amah in thu a gen laitakin kumpipa in ama kiangah, “Kumpipa tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin ama kiangah, “Hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

2 SAMUEL NIHNA 12:31

Amah in a sunga om mite paikhiatpihin singatnate, tuzumte, le heite tawh na a sem dingin koih a, leiseek seekna-ah amaute na semsak hi. Tua bangin Ammon mite’ khuapi khempeuh a hih hi. Tua ciangin David le mi khempeuh Jerusalem-ah a ciah uh hi.

2 SAMUEL NIHNA 12:13

David in hih thu a zak ciangin Nathan kiangah, “Topa’ tungah ka khial khin hi,” a ci hi. Tua ciangin Nathan in David kiangah, “Topa in zong na khialhna hong maisak khinzo hi; nang na si kei ding hi.

2 SAMUEL NIHNA 11:4

Tua ahih ciangin David in kamtaite sawlin tua nu samsak hi. Tua nu ama kiangah hong pai a, amah in tua nu luppih hi. (Tua nu a khasim nitna panin a kisiansuah tung ahi hi.) Tua ciangin ama inn-ah a ciah hi.

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu a kipan gal na do ding hi,” a ci hi.

2 KHANG TANGTHU NIHNATE 16:11

Asa’ gamtatnate, a patna pan a tawpna dong, Judah le Israel Kumpite’ Tangthu sungah kigelh hi.

Jeremiah 26:21

Kumpi Jehoiakim le a galkapmang khempeuh le kumpi ulian khempeuhte in ama thugente a zak uh ciangin kumpipa in thah dingin a zong hi. Ahih hangin Uriah in tua thu a zak ciangin lau-in Egypt gamah a taisim hi.

Jeremiah 37:15

Kumpi uliante zong kei tungah heh mahmah uh a, hong sat khit uh ciangin thong dingin a kizangsa, kumpi thuvanpi pa Jonathan’ inn-ah thong hong kiasak uh hi.

1 KUMPI MASATE 13:4

Bethel-a biakna tau langpangin Pasian’ mipa’ thugenna kumpipa in a zak ciangin biakna tau panin Jeroboam in a khut zan a, “Amah lencip un,” a ci hi. Tua ciangin amah langpangin a zankhiat a khut keucip ahih manin a khut tonsakkik thei nawn lo hi.