2 KHANG TANGTHU NIHNATE 15:8 - Tedim Bible

⁸ Asa in Oded’ tapa Azariah’ thugenkholh, hih thute a zak ciangin amah a lungsim hong hangin, Judah gam khempeuh le Benjamin le Efraim mualtung gam panin a laksa khuapite panin a kihhuai milimte lakhia a, Topa’ biakinn mai-a om Topa’ biakna tau a puah hi.

Tedim Bible Revision 2017

⁸ Asa in Odedʼ tapa Azariahʼ thugen kholh, hih thute a zak ciangin amah a lungsim hong hangin, Judah gam khempeuh le Benjamin le Efraim mual tung gam panin a lak sa khuapite panin a kihhuai milimte la khia a, Topaʼ biakinn mai-a om Topaʼ biakna tau a puah hi.

2 KHANG TANGTHU NIHNATE 15:8 Referans Kwoze

2 KHANG TANGTHU NIHNATE 13:19

Tua ciangin Abijah in Jeroboam delh a, ama tung panin khuapite, Bethel a khuaneute tawh, Jeshanah a khuaneute tawh, le Efron a khuaneute tawh a la hi.

2 KHANG TANGTHU NIHNATE 8:12

Tua ciangin Sabbath nite, Khadet nite, le kum simin a kinei pawi thum - silngo sawh loh anlum pawi, nipikal pawi, le biakbuk pawite a dingin Moses’ thupiakna tawh kizui-in nisimin piakna nasep ding a kisam ahih mah bangin innliim mai-a a lam Topa’ biakna tau tungah Solomon in meihal biakna Topa tungah a pia hi.

2 KHANG TANGTHU NIHNATE 4:1

Amah in sumngo biakna tau, a dung pi sawmthum, a vai pi sawmthum, a sang pi sawm le nga a pha khat bawl hi.

1 PETER MASA 4:3

A beisa hunah dawibiate’ gamtat bangin a hoihkhop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

Sawltak 28:15

Rom khua-a om ulenaute in kote’ thu na za uh ahih manin pawlkhat in, “Appias Sumbuk,” ciang dong hong dawn uh a, pawlkhat in “Ansai Thumna,” ciang hong ban uh hi. Paul in amaute a muh ciangin Pasian tungah a lungdamna ko a, a lungsim hong nuam mahmah hi.

Ezekiel 8:10

Kei zong a sungah tumin ka khuadak hi. Kawm tung khempeuhah gul lim, adang ganhing ninte lim, le Israel mite’ biak ganhing khempeuh a kisuai ziazua ka mu hi.

Jeremiah 16:18

Amaute’ khialhna le a mawhnate uh a zah nihin ka thuk ding hi. Bang hang hiam cih leh amaute in a muhthadahhuai siluang hawmte tawh a kibang milimte tawh ka gam a ninsak uh a, kihhuaina tawh ka gamh a dimsak uh hi,” hong ci hi.

Isaiah 65:4

han sungah tu-in, mun simthamah zanin misite thu a dong mite, voksa ne-in amau’ beel sungah dawibiakna sa mehtui a koih mite,

Isaiah 44:14

Amah in taamtak singkungte a phuk hi. Tua ahih kei leh sesing kung khat ahi a, tawsaw kung khat ahi zongin tengkhia a, gamlak singte lakah khangsakin golsak hi. Amah in taamtak kung khat suan a, guah in khangsak hi.

2 KHANG TANGTHU NIHNATE 29:18

Tua ciangin kumpipa Hezekiah kiangah amaute tumin, “Topa’ biakinn khempeuh, meihal biakna tau le a nazatte khempeuh, le Ompihna Anlum sabuai le a nazatte khempeuh ka puahsiang khin uh hi.

2 KHANG TANGTHU NIHNATE 19:11

En un, Topa’ thu tawh kisai thute khempeuhah siampi lian Amariah note tungah om hi. Tua ciangin kumpipa tawh kisai khempeuhah Judah mite a ukpa Ishmael’ tapa Zebadiah om hi. Tua ciangin Levi mite in note tungah ulian na hong sem ding uh hi. Hang takin gamta un; thuman mite tawh Topa hong om ta hen!” a ci hi.

2 KUMPI NIHNATE 23:13

Tua ciangin Kumpi Solomon in Sidon mite’ kihhuaina Ashtoreth pasian a’ ding, le Moab-te’ kihhuaina Khemosh pasian a’ ding, le Ammon mite’ kihhuaina Milkom pasian a dingin a lam, Jerusalem nisuahna lam, Oliv Mual leitaw lama om mualtung a biaknate kumpipa in a susia hi.

2 KUMPI NIHNATE 18:22

“‘Ahih hangin note in kei kiangah, “Kote in Topa ka Pasian uh ka suang uh hi,” na cih uhleh, Hezekiah in mualtung a biaknate le biakna taute hepkhiatsakin Jerusalem tungah, “Jerusalem khuasung hih biakna tau mai-ah na bia ding uh hi,” a cih pa hi lo ahi hiam?

2 KUMPI NIHNATE 16:14

Tua ciangin amah in ama biakna tau thak le Topa’ biakinn kikalah a om sumngo biakna tau lakhia-in ama biakna tau leilu lampangah a koih hi.

1 KUMPI MASATE 11:7

Tua ciangin Solomon in Jerusalem nisuahna lam mualtungah Moab mite a’ ahi a kihhuai Khemosh le Ammon mite a’ ahi a kihhuai Molek a dingin mualtung a biakna khat a lam hi.

1 KUMPI MASATE 11:5

Bang hang hiam cih leh Sidon mite’ nusian Ashtoreth, le Ammon mite a’ ahi a kihhuai Milkom, Solomon in bia hi.

Thu-hilhkikna 27:15

“‘Topa a dingin a kihhuai ahi, khutsiampa’ khut tawh a kibawl, a kiseek ahi a, a kisung ahi zongin milim bawlin, mun simthamah a koih mipa in gimna ngah ta hen,’ ci ding uh hi. Tua ciangin mi khempeuh in dawngin, ‘Amen,’ ci ding uh hi.

Siampi Laibu 18:30

“Tua ahih ciangin note’ ma-a a kizang hih a kihhuai ngeinate khat peuhpeuh na gamtat ngei loh nading uh le tuate tawh nomau na kinitsak loh nadingun kong thuhilhte zui un; kei pen Topa na Pasian uh ka hi hi,” a ci hi.

2 KHANG TANGTHU NIHNATE 17:2

Amah in Judah khuapi kulhneite khempeuhah galkapte koih a, Judah gam sung le a pa Asa in a laksa Efraim khuapite sungah khuacingte a koih hi.

2 KHANG TANGTHU NIHNATE 19:4

Jerusalem-ah Jehoshafat teng hi. Tua ciangin Beersheba panin Efraim mualtung gam ciang dong mite lakah zin kawikawi a, amau’ pute pate’ Pasian, Topa kiangah amaute tunpihkik hi.

Thukhente 10:16

Tua ahih ciangin amaute in amau’ lak panin gamdang pasian-te koih khia-in Topa a bia uh hi. Tua ahih ciangin Israel-te’ gentheihna ah amah a dah hi.

1 KUMPI MASATE 15:9

Israel kumpi Jeroboam’ kum sawmnihna kumin Asa in Judah tungah uk ding kipan a,

Mattiu 25:16

Tul nga a ngah pa in sum bawlna-in zangpah a, a meet tulnga mah a ngahthuah hi.