2 KHANG TANGTHU NIHNATE 15:7 - Tedim Bible

⁷ Ahih hangin nang, hang in! Na nasepna thaman hong kipia ding ahih manin na khut zawsak kei in,” a ci hi.

Tedim Bible Revision 2017

⁷ Ahih hangin nang, hang in! Na nasepna thaman hong kipia ding ahih manin na khut zawsak kei in,” a ci hi.

2 KHANG TANGTHU NIHNATE 15:7 Referans Kwoze

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Joshua 1:7

Thahatin hang inla, ka nasem Moses in nang hong piak thukhamte khempeuh tawh kizui-in na gamtat ding limtakin ngaihsun in. Na paina peuhah hoihtakin na lamzan’ theih nadingin tuate khat zong pelh kei in.

Hebru 10:35

Tua ahih manin thaman lianpi a hong ngahsak thei na lungsim hanna uh na khahsuah kei un.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang inla sem in. Lau kei in; bang hang hiam cih leh Topa Pasian, keima Pasian nangawn nang tawh hong om hi. Topa’ biakinn sung nasepna khempeuh a kizawh matengin amah in nang hong tamasak lo ding a, hong nusia lo ding hi.

2 JOHAN NIHNA 1:8

Tua ahih ciangin na sepsa uh thuman taankha loin, a kimtakin na ngahtheih nadingun limtakin kidawm un.

Piancilna 15:1

Hih thute khit ciangin mang sungah Topa’ thu Abram’ tungah hong tung a, “Abram aw, lau kei in. Keimah in lauhuaina panin nang ka hong hu ding a, na thaman lian mahmah ding hi,” a ci hi.

Late 58:11

Mite in, “Thuman mi a’ ding noptuamna om taktak a, leitung thu a khen Pasian khat om taktak hi,” ci ding uh hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

Kolose 3:24

Topa in note tungah thaman a hong piak ding lamtak phawk gige un. Tua bangin na sepna uhah Khrih Topa’ na a semsem na hi uh hi.

Ruth 2:12

Topa in na gamtatnasate a pha tawh hong thuk a, a liimnuai beel dinga na paina Israel-te’ Pasian, Topa in thaman a cingin hong pia ding hi,” a ci hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

1 KORIN MASA 3:8

Khaici vawh pa le tuibuak pa a kizakim ahi hi. Pasian in komau sepna tuak tawh kizui-in thaman hong pia ding hi.

1 KORIN MASA 3:14

Mi khat in tua khuamte tungah a lam nate bangmah a cihzawh kei leh a nasep thaman a ngah ding hi.

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Mattiu 6:4

kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Late 27:14

Topa muang in. Thakhauh inla, na lungsim hangsakin, Topa muang in.

Mattiu 5:46

Tua ahih manin no hong itte bek na it uhleh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Daniel 10:19

Amah in, “Lunghimawh kei inla, lau kei in. Kihangsak in. Pasian in nang hong it hi,” a hong ci hi. Tuateng a hong gen khit ciangin ka tha hong khauhzaw a, “Topa aw, na gen ding peuhpeuh hong gen in; tu-in ka ci a hong damzaw diak hi,” ka ci hi.

1 KORIN MASA 16:13

Kiging tawntungin na upna uhah kip unla, thahatin hang un.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Mattiu 6:18

Tua hileh midangte in na an tanlam uh a theih loh hangin na muh theih loh na Pa un hong thei veve ding a, kuama theih lohin na tanlam uh a hong thei na Pa un note’ tungah thaman hong pia ding hi.

Mattiu 6:1

“Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 5:12

Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.

Late 19:11

Tua tham loin tuate’ hangin a nasem pa in thuphawkna ngah a, tuate zuihna-ah noptuamna lian a om hi.

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Joshua 14:14

Tua ahih ciangin amah in Topa, Israel-te’ Pasian, lungsimtak tawh zui ahih manin tuni dongin Hebron pen Kenaz mi Jefunneh’ tapa Kaleb’ gamh a suak hi.

2 KHANG TANGTHU NIHNATE 19:11

En un, Topa’ thu tawh kisai thute khempeuhah siampi lian Amariah note tungah om hi. Tua ciangin kumpipa tawh kisai khempeuhah Judah mite a ukpa Ishmael’ tapa Zebadiah om hi. Tua ciangin Levi mite in note tungah ulian na hong sem ding uh hi. Hang takin gamta un; thuman mite tawh Topa hong om ta hen!” a ci hi.

2 KHANG TANGTHU NIHNATE 32:7

“Thakhauh unla hang un. Assiria kumpipa le amah tawh a om mihon khempeuh mai-ah lau kei unla, zong lungkia kei un; bang hang hiam cih leh amah tawh a omte sangin eite tawh a om pa lianzaw hi.

Jeremiah 31:16

Topa in kong cihin-ah: “Kap nawn kei unla, na khitui uh nul un. Bang hang hiam cih leh Topa in kong cihin-ah, na nasep thaman uh na ngah uh hi. Amaute galte’ gam panin hong ciahkik ding uh hi.

Zekhariah 8:9

“Thakhauhin lungsim hang un. Ka biakinn a kilamkikna ding a bul a kiphuh laitakin kamsangte in a gen thute mah a za na hi uh hi.