2 KHANG TANGTHU NIHNATE 15:6 - Tedim Bible

⁶ Pasian in lungkhamna nam khempeuh tawh buaisak ahih manin minam khat le minam khat, khuapi khat le khuapi khat kido-in amaute kitamkham uh hi.

Tedim Bible Revision 2017

⁶ Pasian in lungkhamna nam khempeuh tawh buaisak ahih manin minam khat le minam khat, khuapi khat le khuapi khat kido-in amaute kitam kham uh hi.

2 KHANG TANGTHU NIHNATE 15:6 Referans Kwoze

Marka 13:8

Minam khat le minam khat, kumpi khat le kumpi khat kido ding uh hi. Mun tuamtuamah zin hong ling ding a, kial zong hong tung ding hi. Hihte khempeuh pen gimna kipatna hi pan hi.

Mattiu 24:7

Gam khat le gam khat, kumpi khat le kumpi khat hong kido ding a, mun tuamtuamah kialpi hong tungin, zin hong ling ding hi.

Amos 3:6

Khuapi sungah pataukohna gal peengkul a kitum ciangin mite lau loin ommawk thei ahi hiam? Topa’ tunsak lohpi-in khuapi sungah lauhuaina mawk tun ahi hiam?

Isaiah 10:6

Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Late 106:41

Amau a mudah minamte in amaute a uk theih nadingin tua minamte’ khut sungah amaute a pia hi.

2 KHANG TANGTHU NIHNATE 36:17

Tua ahih ciangin Topa in Khaldea mite’ kumpipa amaute’ langkhatah paipih a, tua kumpipa in amau’ Pasian’ biakinn sung nangawnah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

2 KHANG TANGTHU NIHNATE 33:11

Tua ahih ciangin Topa in Assiria kumpipa’ galkap ukte amau’ kiangah paipih a, amaute in sikkawite tawh Manasseh manin sumngo khau tawh khihin Babylon-ah a paipih uh hi.

2 KHANG TANGTHU NIHNATE 13:17

Abijah le a mite in Israel-te tampi tak that uh hi. Tua ahih ciangin Israel mi a kitengkhia mihing tul zanga a kithatin tuk hi.

2 KHANG TANGTHU NIHNATE 12:15

Tu-in Rehoboam’ gamtatnate, a kipatna pan a tawpna dong, Kamsang Shemaiah le Thumu pa Iddo’ Khang Tangthu sungah kigelh hi. Rehoboam le Jeroboam kikalah galkidona om tawntung hi.

Thukhente 2:14

Tua ahih ciangin Israel-te tungah Topa sinso a, amaute’ na a sut, mi’ na a sut thei mite’ tungah amaute a pia hi. A kiima om a galte uh tungah amaute pia a, amaute in a galte uh nangzo nawn lo uh hi.

Jeremiah 25:32

“Vanglian Topa in a cihin-ah: En un, gam khat pan gam khatah siatna a paipai hi. Leitung a gamla pen mun panin huihpi hong nung hi.

Isaiah 19:2

Egypt mite amau le amau ka kitawngsak ding hi. Mi kim in ama vengte ciat do ding a, khua khatlekhat kido-in, mi khatlekhat kumpi za kituh ding hi.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.