2 KHANG TANGTHU NIHNATE 15:4 - Tedim Bible

⁴ Ahih hangin a lungkham uh ciangin Israel Pasian, Topa’ lamah kihei uh a, amah zongin amaute in amah a mu uh hi.

Tedim Bible Revision 2017

⁴ Ahih hangin a lungkham uh ciangin Israel Pasian, Topaʼ lamah kihei uh a, amah zongin amaute in amah a mu uh hi.

2 KHANG TANGTHU NIHNATE 15:4 Referans Kwoze

Isaiah 55:6

A kimuh thei hun lai-in Topa zong unla amah a nai om lai-in thu ngen un.

2 KHANG TANGTHU NIHNATE 15:15

Tua ciangin Judah mi khempeuh tua kiciamna-ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong uh hi. Tua ciangin amaute in amah mu uh a, Topa in a kiim uhah amaute galdaihna a pia hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

ROM (Romans) 10:20

Tua banah Isaiah in Pasian’ min tawh hangtakin thu na gen a, “Kei hong zong lo mite in kei hong mu uh a, kei hong kan lo mite tungah ka kilak hi,” ci-in na gen hi.

Late 106:44

Tua bang ahi ta zongin amaute’ kikona a zak ciangin amaute’ cihmawhna a don hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om laiteng uh note tawh Topa hong om hi. Amah na zon uhleh amah na mu ding uh a, ahih hangin amah na nusiat uhleh amah in note hong nusia ding hi.

2 KHANG TANGTHU NIHNATE 33:12

Amah a lungkham ciangin Topa a Pasian kunh-in a pu a pate’ Pasian’ mai-ah nakpitakin amahmah kiniamkhiat hi.

Isaiah 51:1

Topa in, “Hotkhiat ding a ut, Topa a zongte aw, ngai un. Note hong ki-eu khiatna suangpi, note hong kitawhkhiatna khuk en un.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Zekhariah 1:3

Ahi zongin tu-in kei kiangah hong ciahkik le-uhcin, kei zong note kiangah kong paikik ding hi.