2 KHANG TANGTHU NIHNATE 15:16 - Tedim Bible

¹⁶ Ama nu Maakah in Asherah milim dingin a kihhuai milim khat a bawlna hangin kumpipa’ nu hihna za panin kumpi Asa in a nu a lakhia hi. Asa in a nu’ milim phuksakin satnen a, Kidron lui-ah a hal hi.

Tedim Bible Revision 2017

¹⁶ Ama nu Maakah in Asherah milim dingin a kihhuai milim khat a bawlna hangin kumpipaʼ nu hihna za panin kumpi Asa in a nu a la khia hi. Asa in a nuʼ milim phuksakin satnen a, Kidron lui ah a hal hi.

2 KHANG TANGTHU NIHNATE 15:16 Referans Kwoze

2 KUMPI NIHNATE 23:15

Tua tham loin Israel-te a khialsak Nebat’ tapa Jeroboam in Bethel-ah a phuhsa mualtung a biakna, tua biakna mun a biakna tau tawh, amah in phelin a suangte sukham a, tuate a satvui hi. Amah in Asherah milim zong a hal hi.

2 KUMPI NIHNATE 23:6

Tua ciangin amah in Topa’ biakinn panin Jerusalem pualam, Kidron lui-ah Asherah nusian milim paikhiatpihin hal a, tua ciangin amah in satvui-in mi nautangte’ han tungah a vuite lawn hi.

1 KUMPI MASATE 15:10

amah in Jerusalem-ah kum sawmli le khat sung uk hi. Ama pi’ min Maakah hi a, Absalom’ tanu ahi hi.

1 KUMPI MASATE 15:2

Amah in Jerusalem-ah kum thum sung uk hi. Ama nu’ min Maakah hi a, Absalom’ tanu ahi hi.

Paikhiatna 34:13

Nangmah in amau’ biakna taute phelin, amau’ biakna khuamte kuaitanin, amau’ Asherah milimte na phukpai ding hi.

2 KORIN NIHNA 5:16

Tua ahih manin kote in mihingte’ ngeina zia tawh kuamah ka en nawn kei uh hi. Khrih mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

Marka 3:21

A innkuanpihte in hih thu a zak uh ciangin Jesuh a la dingin hong kuankhia uh hi. Bang hang hiam cih leh, “Jesuh mihai suakta hi,” a kicihna thu a za uh hi.

Zekhariah 13:3

Mi khatpeuh kamsang a kineihlai teitei leh, a pianna a nu le a pa mahmah in kho ding uh a, ‘Topa’ min paulamin zuauthu gen na hih manin na si ding hi,’ ci ding uh hi. Tua bangin thu a gen teitei le, a nu le a pa mahmah in tem tawh sunlum ding uh hi.

2 KHANG TANGTHU NIHNATE 34:7

amah in biakna taute sukhamin Asherah milimte le milim dangte satvui a, Israel gam sung khempeuhah paknamtui biakna taute a satvui hi. Tua ciangin Jerusalem-ah a ciahkik hi.

2 KUMPI NIHNATE 23:12

Tua ciangin Judah kumpite in a bawlsa, Ahaz’ inndei tungnung khumzanga a om biakna taute, le Topa’ biakinn tual nihte sungah Manasseh in a bawlsa biakna taute, amah in phelin satnen a, tua a vuite Kidron lui-ah a paai hi.

Thu-hilhkikna 33:9

A nu le a pa sangin nangmah hong thupi ngaihsutzaw uh a, ‘Amaute ka thupi sim kei hi,’ a ci pa ahi hi. Amah in a sanggamte paaikhia-in, a tate don lo hi. Bang hang hiam cih leh Levi minamte in na thu hong mangin, na thuciamna zui uh hi.

Thu-hilhkikna 9:21

Tua ciangin note’ khialhna, na bawlsa uh bawngno, mei tawh halin sukhamin, leivui bangin a neel dongin ka gawizan hi. Tua ciangin mualtung panin a hong luangsuk lui sungah a vuite ka lawn hi.

Thu-hilhkikna 7:5

Amaute tungah hih bangin note na gamta ding uh hi: A biakna taute uh phelsakin, a biakna songte uh dengzanin, amau’ Asherah milimte phuksakin, a kiseek a milimte uh mei tawh na hal ding uh hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, note’ milim’ siluang hawmte tungah na luanghawmte uh ka pai ding a, keimah in note kong kih ding hi.

Paikhiatna 32:20

Amah in amaute’ bawlsa bawngno la-in mei tawh hal a, gawivui-in tui tungah theh a, Israel mite a tui dawnsak hi.

Johan 18:1

Jesuh in tu-a bangin thu a nget khit ciangin a nungzuite tawh Kidron lui kantanin a pai hi. Tua lai-ah huan khat om a, tua huan sungah a nungzuite tawh a lut hi.

2 KHANG TANGTHU NIHNATE 15:17

Ahih hangin Israel gam sung panin mual dawna biakpiaknate kilakhia lo hi. Ahi zongin ama hunsung tawntung Asa’ lungsim paubaang lo hi.

2 KHANG TANGTHU NIHNATE 29:16

A puahsiang dingin Topa’ biakinn sung tawngnungah a siampite lut uh a, Topa’ biakinn sunga a muh uh a nin khempeuh Topa’ biakinn tualah hong paikhiatpih uh hi. Tua ciangin Levi mite in la-in Kidron lui-ah puakhia uh hi.

2 KUMPI NIHNATE 23:4

Tua ciangin kumpipa in siampi lianpen pa Hilkiah, le a nihna siampi, le kongcingte in Topa’ biakinn sung panin Baal le Asherah nusian milim a dingin a kibawl nazatte khempeuh, le vantung a om nate khempeuh biak nadingin a kibawlte hong paikhiatpih nading uh thu a pia hi. Amah in Jerusalem pualam Kidron leikang halna munah tuate halin a vute Bethel khua-ah a pua hi.

2 KHANG TANGTHU NIHNATE 30:14

Amaute nasem dingin kipanin Jerusalem-a biakna taute hemkhia uh a, paknamtui halna ding biakna taute khempeuh amaute in lakhia-in Kidron kuamah paai uh hi.