Biblia Todo Logo
Bib sou entènèt

- Piblisite -




2 KHANG TANGTHU NIHNATE 15:12 - Tedim Bible

12 Tua ciangin a lungsim khempeuh uh le a nuntakna khempeuh uh tawh a pu a pate uh’ Pasian, Topa a zon ding uh,

Gade chapit la Kopi

Tedim Bible Revision 2017

12 Tua ciangin a lungsim khempeuh uh le a nuntakna khempeuh uh tawh a pu a pate uhʼ Pasian, Topa a zon ding uh,

Gade chapit la Kopi




2 KHANG TANGTHU NIHNATE 15:12
22 Referans Kwoze  

Ahi zongin nangma kiangah kong pulaknop thu in: Amaute in man lo hi, a cih uh tua Thu zui-in kote’ pu le pate’ Pasian ka bia hi. Moses’ Thukham laibu sunga a kigelh thu khempeuh le kamsangte’ laibu sunga a kigelhte khempeuh zong ka um hi.


Tua ciangin Topa’ mi ahihna ding uh Jehoiada in amah le mi khempeuh le kumpipa kikalah thuciamna khat a bawl hi.


Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsimah om hi.


“Israel-te aw, tu-in, Topa na Pasian uh zahtak ding, ama lampite tot ding, amah it ding, na lungsim khempeuh uh le na nuntakna khempeuh uh tawh Topa note’ Pasian’ na sep ding,


Hih bangin a gamtatna uh kote’ lamet sangin sangzaw pek hi. Amaute pen Topa tungah kipia masa uh a, tua ciangin Pasian’ deihna bangin kote tungah zong a hong kipia uh ahi hi.


Zion khua lampi a dong ding uh a, tua khua lam maingatin, ‘Hong pai un. A kimangngilh ngei nawn lo ding tawntung thuciamna khat Topa’ tungah ciamkhawm dih ni,’ a ci ding uh hi.


a sanggam uh ahi amau’ makaite pawmin, Pasian’ nasem Moses in a piak Pasian’ thukham zui-in, eite’ Topa ahi Topa’ thupiakna khempeuh, ama ngeinate le ama thukhamte a zuihna ding uh kiciamna a bawl uh hi.


Hih thute khempeuh hangin a kip thuciamna khat bawlin lai-in ka gelh uh a, ka uliante uh, ka Levi mite uh le ka siampite un zong tua lai tungah a min uh a gelh uh hi.


Ahih hangin a lungkham uh ciangin Israel Pasian, Topa’ lamah kihei uh a, amah zongin amaute in amah a mu uh hi.


Tua ciangin khuampi gei-ah kumpipa dingin hih laibu sunga a kigelh thuciamna kammalte khempeuh a sepna ding, Topa’ thu mangin a thupiaknate le a thukhamte, a lungsim le a ngaihsutna khempeuh tawh a zuihna ding, Topa’ mai-ah thuciamna khat a bawl hi. Tua ciangin mi khempeuh zong tua thuciamna-ah a kihel uh hi.


amaute manin a puakhia a galte uh leitangah a ngaihsutna khempeuh uh le a lungsim khempeuh uh tawh amaute kisik kikin, nangmah in na teelsa khuapi, amau’ pute pate’ tungah na piaksa amau’ leitang, le nangma min dingin ka lam biakinn lam nga-in nangma tungah thu hong nget uhleh


Hihte pen, Horeb-ah amaute tawh thuciamna a bawlsa banah, Israel mite tawh Moab gamah thuciamna a bawl dingin Topa in Moses a sawl, a thuciamna kammalte ahi hi.


Ahih hangin tua lai panin Topa na Pasian uh na zong ding uh a, na lungsim khempeuh uh le na nuntakna khempeuh uh tawh na zon uhleh amah na mu ding uh hi.


Tua ciangin Jehoiada in amaute Topa’ mi ahihna ding uh Topa le kumpipa le mite kikalah thuciamna khat bawl a, kumpipa le mite kikalah zong a bawl hi.


Topa note’ Pasian, na lungsim khempeuh uh, na nuntakna khempeuh uh, le na thahatna khempeuh uh tawh na it ding uh hi.


Tua ahih ciangin Joshua in Shekhem-ah tua ni-in mite tawh thuciamna bawl a, amaute a dingin thukham le biakna ngeina kipte a bawl hi.


Tua ciangin Israel Topa Pasian zon ding a lungsim uhah a khentat khin mite in amau’ pute pate’ Pasian, Topa tungah biakna a pia dingin Israel minam khempeuh sung panin amau’ nung zui-in Jerusalem-ah hong pai uh hi.


Ahi zongin nang na hoihna pawlkhat om hi; bang hang hiam cih leh nangmah in gam sung panin Asherah milimte nusia-in Pasian zon ding na lungsimah na ngaihsun hi,” a ci hi.


Swiv nou:

Piblisite


Piblisite