2 KHANG TANGTHU NIHNATE 14:2 - Tedim Bible

² Tua ciangin Asa in ama Pasian, Topa’ mitah a hoih le a man na sem hi.

Tedim Bible Revision 2017

² Tua ciangin Asa in ama Pasian, Topaʼ mitah a hoih le a man na sem hi.

2 KHANG TANGTHU NIHNATE 14:2 Referans Kwoze

1 KUMPI MASATE 15:14

Ahih hangin mualtung a biaknate kilakhia lo hi. Ahi zongin ama hun sung khempeuh Asa’ lungsim Topa’ tungah thuman bup hi.

1 KUMPI MASATE 15:11

Ama pupi David a gamtat bangin Topa’ muhna-ah Asa a manin gamta hi.

Luka 1:75

i khang tawnin ama mai-ah a siangtho, a thumanin i om tawntung theih nading thu hong ciam hi.

2 KHANG TANGTHU NIHNATE 31:20

Tua bangin Hezekiah in Judah gam sung khempeuhah hih hi. Amah in Topa a Pasian’ mai-ah a hoih le a manin gamta-in cihtakna tawh a sem hi.

1 KUMPI MASATE 15:12

Amah in gam sung panin pasal paktat pawlte koihkhia-in a pate’ bawlsa milim khempeuh khinkhia hi.

2 KHANG TANGTHU NIHNATE 14:1

Tua ciangin Abijah si a, David khuapi sungah kivui hi. Tua ciangin ama tangin a tapa Asa in uk hi. Asa hun sungin tua gamah kum sawm sung gal dai hi.

2 KHANG TANGTHU NIHNATE 14:3

Amah in gamdang biakna taute le mual dawna biakpiakna munte lakhia-in, biakna songte supai-in Asherah milimte phuk a,

2 KHANG TANGTHU NIHNATE 15:16

Ama nu Maakah in Asherah milim dingin a kihhuai milim khat a bawlna hangin kumpipa’ nu hihna za panin kumpi Asa in a nu a lakhia hi. Asa in a nu’ milim phuksakin satnen a, Kidron lui-ah a hal hi.

2 KHANG TANGTHU NIHNATE 21:12

Tua ciangin kamsang Elijah tung panin ama kiangah laikhak khat hong tung a, “Na pu David’ Pasian, Topa in hih bangin ci hi: ‘Na pa Jehoshafat’ gamtat bang leh Judah kumpi Asa’ gamtat bangin gamta loin,

Paikhiatna 23:24

amau’ pasian-te’ mai-ah note kun loin, tuate bia loin, amau’ gamtat bangin na gamta kei ding uh a, note in amaute lawnthal mang kiuhkeuhin amau’ milim suang khuampite na satnen gawp ding uh hi.

Thu-hilhkikna 12:3

Amaute’ biakna taute phelkhia-in, a biakna songte dengzanin, amaute’ Asherah milimte mei tawh na hal ding uh hi. A kiseek amau’ pasian-te’ limte na phukpai ding uh a, tua mun panin amau’ min na maimangsak ding uh hi.

2 KHANG TANGTHU NIHNATE 17:6

Topa’ na a sepna-ah hang mahmah a, Judah gam sung panin mual dawna biakpiaknate le Asherah milimte a lakhia hi.

2 KHANG TANGTHU NIHNATE 20:32

Amah in a pa Asa’ gamtat bangmahin Topa’ muhna-ah a man na sem hi.

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite-ah pai-in biakna songte sat khamin Asherah milimte phukin, Judah le Benjamin sung, le Efraim le Manasseh sunga mual dawna biakpiaknate le biakna taute a suksiat khit mateng uh phelkek uh hi. Tua ciangin Israel mi khempeuh, a mi kimin amau’ inn omna a khuapi ciat uhah a ciah uh hi.

2 KHANG TANGTHU NIHNATE 34:7

amah in biakna taute sukhamin Asherah milimte le milim dangte satvui a, Israel gam sung khempeuhah paknamtui biakna taute a satvui hi. Tua ciangin Jerusalem-ah a ciahkik hi.