2 KHANG TANGTHU NIHNATE 14:12 - Tedim Bible

¹² Tua ahih ciangin Topa in Asa le Judah mite’ mai-ah Ethiopia mite zo a, Ethiopia mite tai uh hi.

Tedim Bible Revision 2017

¹² Tua ahih ciangin Topa in Asa le Judah miteʼ mai ah Ethiopia mite zo a, Ethiopia mite tai uh hi.

2 KHANG TANGTHU NIHNATE 14:12 Referans Kwoze

2 KHANG TANGTHU NIHNATE 13:15

Tua ciangin Judah mite in galdona aw kiko uh hi. Judah mite a kiko uh ciangin Abijah le Judah mite’ mai-ah Pasian in Jeroboam le Israel khempeuh zo hi.

1 KORIN MASA 15:57

Ahi zongin i Topa Jesuh Khrih hangin gualzawhna a hong pia Pasian tungah i lung a dam hi.

1 KORIN MASA 9:26

Tua ahih manin ngimna nei lopi-in a mawktai ka hi kei a, huihlak khawng a mawktuptup ka hi kei hi.

Late 60:12

Pasian tawh khauhtakin i hih ding hi. Amah pen i galte hong sikcipsak ding pa ahi hi.

Joshua 10:10

Topa in Israel-te’ mai-ah amaute amkhamsakin, amaute in Gibeon-ah amaute tampi tak that uh a, Bethhoron paitohna lampi-ah amaute delhin, Azekah le Makkedah ciang dong amaute a vatgawp uh hi.

Thu-hilhkikna 32:39

‘Tu-in thei un, keimah a kici pa pen kei ka hi a, kei simloh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khutsung pan a honkhiazo kuamah om lo hi.

Thu-hilhkikna 28:7

“Topa in, note’ langah hong pang na galte uh na mai uhah lelhna thuaksak ding hi. Amaute lampi khat tawnin hong kuan ding uh a, note’ mai panin lam sagih tawnin taikeek ding uh hi.

Paikhiatna 14:25

amau’ leengpeite gumsak ahih manin man bekbakin hawl uh hi. Egypt mite in, “Israel mite’ kiang panin tai ni. Bang hang hiam cih leh Egypt mite hong langpangin Topa in amau a dingin hong do hi,” a ci uh hi.

2 KHANG TANGTHU NIHNATE 20:22

Amaute inla sa-in phat ding a kipat uh ciangin, Judah mite a sim dingin a hong pai Ammon mite, Moab mite, le Seir Mual gam mite a pangsim ding Topa in koih a, amaute kizo hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note ka hong bawl a, Egypt gam panin note kong paikhiatpih bangin, Kaftor gam panin Filistia mite ka paikhiatpih a, Kir gam panin Syria mite ka paikhiatpih hi.

Piancilna 10:19

Kanaan mite’ gam pen Sidon panin kipanin Gerar lam manawhin Gaza ciang dong ban a, Sodom lam panin Gomorrah, Admah, le Lasha gei-a Zeboiim ciang dong ban hi.

Paikhiatna 12:41

Kum zali le kum sawmthum a cin ni teekteekin Egypt leitang panin Topa’ mihonpite paikhia uh hi.

Paikhiatna 12:51

Tua ni teekteekin Topa in Israel mite a honpi-un Egypt gam panin a paikhiatpih hi.

1 KHANG TANGTHU MASATE 5:21

Amaute in amau’ ganhingte matsak uh hi. A kalaoh uh tul sawmnga, tuu tul zanih le tul sawmnga, la tulnih, le mi tul zakhat hingmat uh hi.

2 KHANG TANGTHU NIHNATE 15:11

Tua ni-in amaute in galsung panin a ciahpih uh nate sung panin bawngtal zasagih le tuu tulsagih tawh Topa’ tungah biakna a pia uh hi.