2 KHANG TANGTHU NIHNATE 13:9 - Tedim Bible

⁹ Note in Aaron’ suan, Topa’ siampite, le Levi mite hawlkhia-in, gamdang mite bangin note a dingin siampite bawl khin hi lo na hi uh hiam? Bawngtalno khat tawh ahi a, tuutal sagih tawh ahi zongin a ki-ap dingin a hong pai peuhpeuh, pasian a hilote’ siampi suak pahpah hi.

Tedim Bible Revision 2017

⁹ Note in Aaronʼ suan, Topaʼ siampite le Levi mite hawl khia-in, gamdang mite bangin note adingin siampite bawl khin hi lo na hi uh hiam? Bawngtalno khat tawh ahi a, tuutal sagih tawh ahi zongin a ki-ap dingin a hong pai peuhpeuh, pasian ahi loteʼ siampi suak pahpah hi.

2 KHANG TANGTHU NIHNATE 13:9 Referans Kwoze

Jeremiah 2:11

Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Paikhiatna 29:35

“Tua bangin nang kong thupiakte khempeuh tawh kituakin Aaron le ama tapate’ tungah na hih ding a, ni sagih sung tawntung amaute ki-apna na bawl ding hi.

Galati 4:8

A beisa hunah Pasian thei lo na hih manun Pasian ahi lo vangliatna a neite’ sila-in na om uh hi.

Sawltak 19:26

Nomau mahmah in hih Paul’ thugen khempeuh za-in na thei uh hi. Amah in mihingte’ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuhah mi tampi tak a umsak hi.

Hosea 8:6

Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusiazo uh a, pasian ahi lopite peuh tawh kiciamzo uh hi. Amaute a gilvah dong uh an ka vak khit ciangin amaute in angkawmin, numei paktatte’ inn-ah a hon om uh hi.

1 KHANG TANGTHU MASATE 29:5

le siamneelte in a hih ding nasepna khempeuh a dingin kham zatna ding nate-ah kham, le ngun zatna ding nate-ah ngun ahi hi. Kua teng utna lungsim tawh Topa’ tungah tuni-in amahmah kipia-in ki-ap ding na hi uh hiam?” a ci hi.

2 KUMPI NIHNATE 19:18

a pasian-te uh meikhuk sungah lotsak uh hi. Bang hang hiam cih leh tuate pasian hi loin, mihingte’ khut tawh a kibawl sing le suang ahi hi. Tua ahih manin tuate kisusia hi.

1 KUMPI MASATE 13:33

Hih thu khit ciangin zong ama gamtat sia panin Jeroboam kihei tuan lo a, mite khempeuh sung panin mualtung a biaknate-a sem ding siampite bawlkik hi. Amah in a sem nuam peuhpeuh mualtung a biakna siampi dingin a ap hi.

Thu-hilhkikna 32:17

Amaute in pasian ahi lo dawite, amau’ theih ngei loh pasian-te, hong suak nunung pasian thakte, na pu na pate un a theih ngei loh pasian-te’ tungah biakna a pia uh hi.

Siampi Laibu 16:32

A pa’ tanga siampi dingin sathau a kinilh a ki-ap siampipa in kilemna bawlin, a siangtho saihadial puante silh ding hi.

Siampi Laibu 8:2

“Aaron le amah tawh a om a tapate, a puante, a nilh sathau, khialhna hanga biakna a bawngtal, a tuutal nihte le silngo sawh loh anlum lawh la inla,

Paikhiatna 32:29

Moses in, “Note’ tungah thupha hong tun theih nadingin ama tapa le a sanggamte ciat supna thuakin Topa’ na sep nadingah tuni-in note na kikipsak tawm uh hi,” a ci hi.

Paikhiatna 29:1

“Amaute in keima tungah siampi na a sep theih nadingun amaute na sianthosak nadingin amaute’ tungah na hih ding thute: Bawngtalno khat le a sitbaang lo tuutal nih,

Paikhiatna 29:29

“Aaron’ biakna puan siangthote pen ama sih khit ciangin a tapate’ tungah kipia ding a, amaute sathau kinilhin a kikipsak nading ahi hi.

2 KHANG TANGTHU NIHNATE 13:10

“Ahih hangin kote ahihleh, Topa pen ka Pasian uh hi a, amah ka nusia kei uh hi. Topa’ na a sem, Aaron’ suan ahi siampite le amau’ nasepna-ah a huh dingin Levi mite ka nei uh hi.

2 KHANG TANGTHU NIHNATE 29:31

Tua ciangin Hezekiah in, “Tu-in Topa’ tungah nomau mah na ki-ap khin uh hi. A nai-ah hong pai unla Topa’ biakinn-ah biakpiaknate le lungdam piaknate hong paipih un,” a ci hi. Tua ciangin a kikhawmte in biakpiaknate le lungdam piaknate hong paipih uh hi. Tua ciangin piaknopna lungsim a nei khempeuh in meihal biaknate hong paipih uh hi.