2 KHANG TANGTHU NIHNATE 13:8 - Tedim Bible

⁸ Note mi tampi na hihna uh le note’ pasian dingin Jeroboam in hong bawlsak kham bawngnote note tawh a om manin, David’ suante’ khut sungah a om Topa’ kumpi gam do ding tu-in na ngaihsun uh hi.

Tedim Bible Revision 2017

⁸ Note mi tampi na hihna uh le noteʼ pasian dingin Jeroboam in hong bawlsak kham bawngnote note tawh a om manin, Davidʼ suanteʼ khut sungah a om Topaʼ kumpi gam do ding tu-in na ngaihsun uh hi.

2 KHANG TANGTHU NIHNATE 13:8 Referans Kwoze

1 KUMPI MASATE 12:28

Tua ahih ciangin kumpipa in thu kikupna khat bawl a, tua ciangin kham bawngno nih bawl hi. Tua ciangin amah in mite kiangah, “Jerusalem-ah sauvei khop na pai khinta uh hi. Israel mite aw, Egypt leitang panin note hong paikhiatpih na pasian-te uh en un,” a ci hi.

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Luka 19:14

Ahi zongin ama gammite in hih ulianpa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

Late 33:16

Kumpi khat a galkap tampite in suaktasak zo lo a, galkap hang pa ama hatna tawh kihonkhia zo lo hi.

2 KHANG TANGTHU NIHNATE 20:12

Kote’ Pasian aw, amaute tungah thu khen lo ding na hi hiam? Bang hang hiam cih leh kote a sim dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

2 KHANG TANGTHU NIHNATE 20:6

“Topa, ka pu ka pate uh Pasian aw, nang, vantungah Pasian hi lo na hi hiam? Minamte’ kumpi gam khempeuh tungah nang a uk hi lo na hi hiam? Na khut sungah vangliatna le thahatna om a, kuamah in nang hong nang zo lo hi.

2 KHANG TANGTHU NIHNATE 9:8

Na tungah lungkimin Topa na Pasian a dingin kumpi-in a kumpi tokhom tungah nang hong tusak Topa na Pasian in thupha ngah ta hen! Na Pasian in Israel mite itin a tawntungin amaute kipsak ding ahih manin, nangmah in thutang le thuman na sepkhiat theih nadingin amaute tungah kumpi-in nang hong koih hi,” a ci hi.

1 KUMPI MASATE 14:9

nangmah in na mai-a om mite khempeuh sangin siatna bawlzaw-in, pai-in pasian dangte le a kisung milimte nang a dingin bawlin ka hehna dingin nong phin a, na nung lamah kei nong paai hi.

1 KUMPI MASATE 12:29

Amah in Bethel-ah khat koihin, Dan-ah adang khat a koih hi.