2 KHANG TANGTHU NIHNATE 13:2 - Tedim Bible

² Amah in Jerusalem-ah kum thum sung uk hi. Ama nu’ min Mikaiah hi a, Gibeah khuami Uriel’ tanu ahi hi. Tu-in Abijah le Jeroboam kikalah galkidona om hi.

Tedim Bible Revision 2017

² Amah in Jerusalem ah kum thum sung uk hi. Ama nuʼ min Mikaiah hi a, Gibeah khuami Urielʼ tanu ahi hi. Tu-in Abijah le Jeroboam kikalah gal kidona om hi.

2 KHANG TANGTHU NIHNATE 13:2 Referans Kwoze

2 KHANG TANGTHU NIHNATE 11:20

Tua nu’ khit ciangin amah in Absalom’ tanu Maakah la a, amah tawh Abijah, Attai, Ziza, le Shelomith nei hi.

1 KUMPI MASATE 15:2

Amah in Jerusalem-ah kum thum sung uk hi. Ama nu’ min Maakah hi a, Absalom’ tanu ahi hi.

1 SAMUEL MASA 10:26

Saul zong Gibeah-a ama inn-ah ciah a, Pasian in amau’ lungsim a lawnsak mi thahatte zong amah tawh a pai uh hi.

Thukhente 19:16

Tua laitakin puteek khat lo-a a nasepna panin nitak ciangin hong ciah hi. Tua pa pen Efraim mualtung gam pan hi a, amah Gibeah khua-ah a peem hi a, tua khuamite pen Benjamin mite ahi hi.

Thukhente 19:14

Tua ahih ciangin amaute in khengin paisuak uh a, Benjamin-te’ gam ahi Gibeah khua gei-ah ni tum a,

Joshua 18:28

Zela, Haelef, Jebus (Jerusalem a cihna), Gibeah, le Kiriathjearim - khuapi sawm le li, a khuaneute tawh zong ahi hi. Hihte pen a beh tawh kizui-in Benjamin minamte’ luah ahi hi.

1 KUMPI MASATE 14:19

Tu-in Jeroboam’ gamtatna a omlaite, a galsimna le a gam uknate, Israel Kumpite’ Khang Tangthu Laibu sungah kigelh hi.

2 KHANG TANGTHU NIHNATE 13:3

Galsim dingin Abijah kuankhia a, a kitengkhia mi tul zali a pha, a thahat galhang galkap hon a nei hi. Tua ciangin Jeroboam in Abijah a do dingin a kitengkhia galhang tul zagiat tawh a pang hi.

1 KUMPI MASATE 14:20

Jeroboam’ uk hun sung kum sawmnih le nih ahi hi. Tua ciangin amah si a, ama tangin a tapa Nadab in a uk hi.

2 KHANG TANGTHU NIHNATE 12:15

Tu-in Rehoboam’ gamtatnate, a kipatna pan a tawpna dong, Kamsang Shemaiah le Thumu pa Iddo’ Khang Tangthu sungah kigelh hi. Rehoboam le Jeroboam kikalah galkidona om tawntung hi.