2 KHANG TANGTHU NIHNATE 13:19 - Tedim Bible

¹⁹ Tua ciangin Abijah in Jeroboam delh a, ama tung panin khuapite, Bethel a khuaneute tawh, Jeshanah a khuaneute tawh, le Efron a khuaneute tawh a la hi.

Tedim Bible Revision 2017

¹⁹ Tua ciangin Abijah in Jeroboam delh a, ama tung panin khuapite, Bethel a khuaneute tawh, Jeshanah a khuaneute tawh le Efron a khuaneute tawh a la hi.

2 KHANG TANGTHU NIHNATE 13:19 Referans Kwoze

2 KHANG TANGTHU NIHNATE 15:8

Asa in Oded’ tapa Azariah’ thugenkholh, hih thute a zak ciangin amah a lungsim hong hangin, Judah gam khempeuh le Benjamin le Efraim mualtung gam panin a laksa khuapite panin a kihhuai milimte lakhia a, Topa’ biakinn mai-a om Topa’ biakna tau a puah hi.

Joshua 15:9

Tua ciangin mual dawn panin Neftoah lui-ah gamgi kikhung a, tua panin Efron Mual khuapite-ah pai a, tua ciangin Baalah (Kiriathjearim a cihna) lamah gamgi kawi kual hi.

Johan 11:54

Tua ahih manin Judea gam sungah a kilangin Jesuh khualzin nawn lo a, amah paikhia-in sehnel gam gei-a om Efraim a kici khua-ah tungin tua lai-ah a nungzuite tawh a om hi.

1 SAMUEL MASA 31:7

Tua ciangin Jezreel kuam galkhat le Jordan galkhat a om Israel mite in Israel mite tai-in Saul le a tapate a sih khitna thu a zak uh ciangin amaute in a khuapite uh nusia-in tai uh ahih ciangin Filistia-te hong pai-in tuate sungah a teng uh hi.

Joshua 11:12

Topa’ nasem Moses in a thupiaksa bangin Joshua in tua kumpite’ khuapite, le a kumpi khempeuh la-in namsau tawh amaute vatin thatmang khin hi.

Joshua 10:39

Amah in a kumpipa le a kiimnai-a khuapite khempeuh tawh tua Debir khua a la hi. Amaute in namsau tawh vatgawp uh a, a sunga om mi khempeuh a susiamang uh hi. Amah in kuamah siit lo a, Hebron le Libnah le a kumpipa tungah a bawlsa bangin Debir le a kumpipa tungah a bawl hi.

Joshua 10:19

Ahih hangin note tua lai-ah om kei un. Na galte uh delhin a nungdalte bawh unla, a khuapi sung uhah amaute lutsak kei un. Bang hang hiam cih leh Topa na Pasian un note’ khut sungah amaute hong piazo hi,” a ci hi.

2 KHANG TANGTHU NIHNATE 13:18

Judah mite in a pu a pate uh Pasian, Topa suang uh ahih manin gualzo uh a, tua hunin Israel mite kizo hi.

2 KHANG TANGTHU NIHNATE 13:20

Jeroboam in Abijah’ hun sungin ama vangliatna ngahkik lo hi. Tua ciangin Topa in Jeroboam vat a, amah a si hi.

Piancilna 28:19

Amah in tua mun Bethel ci hi. Ahih hangin a masa-in tua khua min pen Luz ahi hi.

2 KHANG TANGTHU NIHNATE 17:2

Amah in Judah khuapi kulhneite khempeuhah galkapte koih a, Judah gam sung le a pa Asa in a laksa Efraim khuapite sungah khuacingte a koih hi.