2 KHANG TANGTHU NIHNATE 13:14 - Tedim Bible

¹⁴ Judah mite a khuadak uh ciangin, amau’ mai le a nung uhah gal a omlam mu uh hi. Tua ciangin Topa’ tungah amaute kiko uh a, siampite in a peengkulte uh a tum uh hi.

Tedim Bible Revision 2017

¹⁴ Judah mite a khuadak uh ciangin, amauʼ mai le a nung uh ah gal a om lam mu uh hi. Tua ciangin Topaʼ tungah amaute kiko uh a, siampite in a peengkulte uh a tum uh hi.

2 KHANG TANGTHU NIHNATE 13:14 Referans Kwoze

2 KHANG TANGTHU NIHNATE 14:11

Tua ciangin Topa Pasian’ tungah Asa kiko a, “Topa aw, a thahat le a zawngkhal a kidona-ah a huh dingin nang tawh a kibang kuamah dang om lo hi. Kote hong huh in, Topa kote’ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, kote’ Pasian na hi hi; mite kizosak kei in,” a ci hi.

Paikhiatna 14:10

Faro hong nai ciangin Israel mite khuadak to uh hi. En in, amaute’ nungah Egypt mite hong kuan hi. Amaute lau mahmah uh hi. Topa’ tungah Israel mite kiko uh hi.

Late 91:5

Nangmah in zan a lauhuaina, sun-a thaltang leengte, khuamial lakah a vak khiankhian pulnatna, sun nitaang a suksiatnate na kihta kei ding hi.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

Joshua 8:20

Ai mite in a nung et kik uh ciangin, khuapi meikhu vanah a kahto a mu uh hi. A nung a mai koimahah tai thei lo uh hi. Bang hang hiam cih leh gamlak lamah tai-in a kilelsak khemte in amau a delhte’ lamah hong kihei-in lehdelh kik uh hi.

2 KHANG TANGTHU NIHNATE 18:31

Leeng galkap a ukte in Jehoshafat a muh uh ciangin, “Israel kumpipa hi,” a ci uh hi. Tua ahih ciangin amah a hih dingin amaute in naih uh hi. Tua ciangin Jehoshafat kikokhia a, Topa in amah huh hi. Pasian in ama kiang panin amaute kaikhia hi;

Joshua 6:16

A sagih veina-ah, siampite in peengkul a tum ciangin Joshua in mite kiangah, “Awng un; bang hang hiam cih leh Topa in khuapi note hong piazo hi.

Gamlak-vakna 10:9

Na gam sung uhah, no hong nengniam na galte uh tawh na kido ding uh ciangin, Topa na Pasian uh mai-ah note hong kiphawk nadingin peengkulte tawh pataukohna aw na gingsak ding uh a, na langte panun note hong kihon ding hi.

1 KHANG TANGTHU MASATE 5:20

Amaute a sim nadingin huhna a ngah uh ciangin Hagri mite le amau tawh a kipawl khempeuhte amaute’ khut sungah kipia hi; bang hang hiam cih leh gal kidona sungah amaute in Pasian’ tungah ko uh a, amaute in Pasian muang uh ahih manin amah in amaute’ thumna a pia hi.

2 KHANG TANGTHU NIHNATE 32:20

Tua ciangin kumpipa Hezekiah le Amoz’ tapa, kamsang Isaiah in hih thu hangin thu ngenin vantung lamah kiko uh hi.