Biblia Todo Logo
Bib sou entènèt

- Piblisite -




2 KHANG TANGTHU NIHNATE 12:7 - Tedim Bible

7 Amaute a kiniamkhiatna thu Topa in a muh ciangin Shemaiah’ tungah Topa’ thu hong tung hi: “Amaute kiniamkhiat ahih manin ka susia kei ding hi. Amaute ka suaktasak liailiai tei ding a, Shishak’ khut tawh Jerusalem tungah ka hehna a cingin ka tungsak kei ding hi.

Gade chapit la Kopi

Tedim Bible Revision 2017

7 Amaute a kiniamkhiatna thu Topa in a muh ciangin Shemaiahʼ tungah Topaʼ thu hong tung hi: “Amaute kiniamkhiat ahih manin ka susia kei ding hi. Amaute ka suaktasak liailiai tei dinga, Shishakʼ khut tawh Jerusalem tungah ka hehna a cingin ka tungsak kei ding hi.

Gade chapit la Kopi




2 KHANG TANGTHU NIHNATE 12:7
21 Referans Kwoze  

Amaute in amau’ gamtatna tawh kei hong hehsak theih nadingun amaute in kei hong nusia-in pasian dangte tungah paknamtui hal uh ahih manin hih mun tungah ka hehna kisungin dai lo ding hi.


Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.


Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi.


Tua ahih manin Topa in kong cihin-ah: En in, ka hehna le ka thangpaihna hih munah ka bua ding a, mihingte’ tung le ganhingte’ tung, lo lai-a singkungte le leilak a singgahte tungah ka sung ding hi. Ka hehna mei bangin kuang ding a, kisumit lo ding hi.


Na mawhna na phawk ding bek kisam hi. Topa na Pasian na langpanna, singliim nuai khempeuhah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.


Nangmah a hong thei lo minamte tung le, nangma tungah thu a hong ngen lo kumpi gamte tungah hehgawp in.


Ahi zongin amah in hehpihna lungsim nei ahih manin amau’ khialhnate maisakin, amaute susia lo hi. Amah in a hehna ip zelzel a, a hehna khempeuh phongkhia lo hi.


“Pai unla, a kimu laibu sunga kammalte tawh kisai-in keima a’ ding le Israel le Judah-ah a omlai mite a dingin Topa thu va dong un; bang hang hiam cih leh i pu i pate in hih laibu sungah a kigelh khempeuh bangin sep ding Topa’ kammal na zui lo uh ahih manin eite tungah Topa’ hehna lian hi,” a ci hi.


Ahih hangin Topa in amaute hehpihin amaute khasiat a, Abraham, Isaac, le Jakob tawh a thuciamna hangin amaute lamah amah kihei a, amaute nusia lo hi. Tu dongin zong ama mite mangngilh lo hi.


Amah a kiniamkhiat ciangin siat cimitna a pian loh nadingin ama tung pan Topa’ hehna kiheikhia hi. Tua tham loin Judah gam sungah thu paizia zong hong hoihsak hi.


hih mun le a tunga tengte langpanna ama kammal na zak ciangin na lungsim kisikin Pasian’ mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.


Ahi zongin a nung ciangin Hezekiah a lungsim kiphatsakna thu-ah amah le Jerusalem-a teng mite tawh kiniamkhiat uh ahih manin amaute’ tungah Topa’ hehna hong tung lo hi.


Amah a lungkham ciangin Topa a Pasian kunh-in a pu a pate’ Pasian’ mai-ah nakpitakin amahmah kiniamkhiat hi.


Amah in ama kiangah thu ngen a, tua ciangin Pasian in ama kutna saangin, a thumna a ngai hi. Amah in Jerusalem-ah amah paipih kikin a kumpi gam a piakik hi. Tua ciangin Topa pen Pasian ahihna Manasseh in a thei hi.


Swiv nou:

Piblisite


Piblisite