2 KHANG TANGTHU NIHNATE 12:5 - Tedim Bible

⁵ Tua ciangin Shishak’ huhau-in Jerusalem-ah a kikhawm Rehoboam le Judah uliante kiangah kamsang Shemaiah hong pai-in amaute kiangah, “Topa in hih bangin ci hi: ‘Note in kei nong nusia uh hi. Tua ahih ciangin Shishak’ khut sungah note kong pia khin hi,’ ci hi,” a ci hi.

Tedim Bible Revision 2017

⁵ Tua ciangin Shishakʼ huhau-in Jerusalem ah a kikhawm Rehoboam le Judah uliante kiangah kamsang Shemaiah hong pai-in amaute kiangah, “Topa in hih bangin ci hi: ‘Note in kei nong nusia uh hi. Tua ahih ciangin Shishakʼ khut sungah note kong pia khin hi,’ ci hi,” a ci hi.

2 KHANG TANGTHU NIHNATE 12:5 Referans Kwoze

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om laiteng uh note tawh Topa hong om hi. Amah na zon uhleh amah na mu ding uh a, ahih hangin amah na nusiat uhleh amah in note hong nusia ding hi.

2 KHANG TANGTHU NIHNATE 11:2

Ahih hangin Pasian’ mi Shemaiah’ tungah Topa’ thu hong tung hi:

1 KUMPI MASATE 12:22

Ahih hangin Pasian’ mi Shemaiah’ tungah Pasian’ thu hong tung hi:

Jeremiah 23:33

“Jeremiah aw, ka mite khat peuhpeuh in ahi a, kamsang khat ahih kei leh siampi khat peuhpeuh in ahi zongin, ‘Topa’ thugen bang ahi hiam?’ ci-in hong dot leh nangmah in, ‘Topa’ thugen nangmah na hi a, nang pen vangik khat na hi hi. Topa in nang, kong paaikhia ding hi, hong ci hi,’ ci-in gen in.

Jeremiah 5:19

Na mipihte un, ‘Bang hangin Topa i Pasian in hih bangin ei’ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uhah gamdang pasian-te’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.

Jeremiah 4:18

Na lungsim le na gamtatnate’ hangin nang’ tungah hih thu hong tung hi. Hih pen nangma gitlohna hang hi a, na lungtang pailetin hong sun hi,” a ci hi.

Jeremiah 2:19

Na gitlohna mah in nangmah hong thuhilh ding a, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam hetloin kha velval hi, cih thu thei inla mu in, Vanglian Topa Pasian in ka hong ci hi.

Late 37:33

Topa in migilo pa’ khut sungah amah nusia lo ding a, thusit dingin a kipaipih ciangin mawhna thuaksak lo ding hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

2 SAMUEL NIHNA 24:14

Tua ciangin David in Gad kiangah, “Nakpi takin ka lung a kham hi. Ama hehpihna lian ahih manin Topa’ khut sungah tung ni; bangbang ahi zongin mihing khut sungah hong tungsak kei hen,” a ci hi.

2 KHANG TANGTHU NIHNATE 12:15

Tu-in Rehoboam’ gamtatnate, a kipatna pan a tawpna dong, Kamsang Shemaiah le Thumu pa Iddo’ Khang Tangthu sungah kigelh hi. Rehoboam le Jeroboam kikalah galkidona om tawntung hi.

2 KHANG TANGTHU NIHNATE 24:20

Tua ciangin siampi Jehoiada’ tapa Zekhariah’ sungah Pasian’ kha hong lut hi. Tua ciangin amah dingin mite en sukin mite kiangah, “Pasian in hih bangin ci hi: ‘Bang hangin na mavan’ theih loh nadingun Topa’ thupiaknate palsat na hi uh hiam? Note in Topa nusia na hih manun amah in note hong nusia hi,’ ci hi,” a ci hi.