2 KHANG TANGTHU NIHNATE 12:1 - Tedim Bible

¹ Rehoboam’ ukna kipin a thahat ciangin, amah a kipan amah tawh a om Israel mi khempeuh in Topa’ thukham nusia uh hi.

Tedim Bible Revision 2017

¹ Rehoboamʼ ukna kipin a thahat ciangin, amah a kipan amah tawh a om Israel mi khempeuh in Topaʼ thukham nusia uh hi.

2 KHANG TANGTHU NIHNATE 12:1 Referans Kwoze

2 KHANG TANGTHU NIHNATE 11:17

Amaute in Judah kumpi gam thakhauhsak uh a, amaute in Solomon’ tapa Rehoboam lungmuangin kum thum sung koih uh hi; bang hang hiam cih le David le Solomon’ thu a zuih bangun kum thum sung ama thu a mang uh hi.

2 KHANG TANGTHU NIHNATE 12:13

Tua ahih ciangin Kumpi Rehoboam amahmah Jerusalem-ah kikipsakin a uk hi. Rehoboam in uk ding a kipatin kum sawmnih le khat pha a, Israel minam khempeuh sung panin a min koih nadingin Topa in a teelkhiat khuapi Jerusalem-ah amah in kum sawm le sagih sung a uk hi. Ama nu’ min Naamah hi a, Ammon mi ahi hi.

Micah 6:16

Bang hang hiam cih leh Kumpi Omri’ gamtatna zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Hosea 13:1

Efraim-te beh in thu a gen ciangin a dangte lau uh a, Israel minam beh dangte in Efraim-te beh tung et uh hi. Ahi zongin Baal milim biakna hangin amaute khial uh hi; tua thu hangin si ding uh hi.

Jeremiah 2:31

No Israel mite aw, Topa’ kammal limtakin ngai dih un. Israel-te a dingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

2 KHANG TANGTHU NIHNATE 11:3

“Judah kumpi Solomon’ tapa Rehoboam, le Judah le Benjamin sunga om Israel mi khempeuh tungah gen in,

2 KUMPI NIHNATE 17:19

Judah mite in zong Topa a Pasian uh thupiaknate zui loin Israel mite in a phuahtawm ngeinate zuihpih uh hi.

1 KUMPI MASATE 12:17

Ahih hangin Rehoboam in Judah khuapite sungah a teng Israel mite a uk hi.

1 KUMPI MASATE 9:9

Tua ciangin amaute in, ‘Egypt panin a pu a pate uh a paikhiatpih Topa a Pasian uh amaute in nusia-in pasian dangte len uh a, tuate bia-in a na a sepna hang uh ahi hi. Tua ahih ciangin Topa in hih siatna khempeuh amaute tungah tungsak hi,’ ci ding uh hi,” a ci hi.

Thu-hilhkikna 32:18

Note a hong Honkhia pa na phawk kei uh a, note a hong suaksak Pasian na mangngilh uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

2 KHANG TANGTHU NIHNATE 11:23

Amah pil gamtat a, Judah le Benjamin gam sung, kulhnei khuapite khempeuhah a tapa pawlkhat a khen hi. Amah in amaute tungah na tampi pia a, amaute a dingin zi zong a zonsak hi.

Thukhente 2:15

Galsim dingin amaute a kuankhiat sialun, Topa in a hilhkholhsa le Topa in amaute tungah a kiciamsa bangin amaute’ langkhatah a sia lamin Topa pang hi. Tua ahih ciangin amaute in lungkhamna tuak uh hi.

1 KUMPI MASATE 14:21

Tu-in Solomon’ tapa Rehoboam in Judah-ah uk hi. Gam uk dingin a kipatin Rehoboam kum sawmli le khat pha a, a min koih nadingin Topa in Israel minam khempeuh sung panin a teelkhiat khuapi Jerusalem-ah amah in kum sawm le sagih sung uk hi. Ama nu a min Naamah hi a, Ammon mi ahi hi.

2 KHANG TANGTHU NIHNATE 24:18

Tua ahih ciangin amaute in a pu a pate uh Pasian, Topa’ biakinn nusia uh a, Asherah milimte le milim dangte’ na sem uh hi. Hih amau’ mawhna hangin Judah le Jerusalem tungah hehna hong tung hi.

Isaiah 1:4

Ah, a khial minam, mawhna in a nencip mite, siatna a bawlte’ suanlekhakte, a gamtatsia tapate! Amaute in Topa nusia khin uh a, amaute in Israel-te’ Siangtho Pasian simmawh khin uh hi. Amaute in lam khial khin taktak uh hi.