2 KHANG TANGTHU NIHNATE 11:23 - Tedim Bible

²³ Amah pil gamtat a, Judah le Benjamin gam sung, kulhnei khuapite khempeuhah a tapa pawlkhat a khen hi. Amah in amaute tungah na tampi pia a, amaute a dingin zi zong a zonsak hi.

Tedim Bible Revision 2017

²³ Amah pil gamtat a, Judah le Benjamin gam sung, kulh nei khuapite khempeuh ah a tapa pawl khat a khen hi. Amah in amaute tungah na tampi pia a, amaute adingin zi zong a zonsak hi.

2 KHANG TANGTHU NIHNATE 11:23 Referans Kwoze

Luka 16:8

A diktat lo nasempa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uhah ngiansiam zaw uh hi.

2 KHANG TANGTHU NIHNATE 21:3

A pa un amaute tungah letsong lianpite, ngun, kham, le a manpha neihsate, Judah gam sunga kulhnei khuapite tawh a pia hi. Ahih hangin amah ta upa ahih manin Jehoram tungah kumpi gam a pia hi.

Piancilna 25:6

Ahih hangin Abraham in a zi dang tawh a tate tungah zong letsong pia a, ama nuntak lai mahin ama tapa Isaac kiang panin nisuahna lam gamah amaute a sawlkhia hi.

2 KHANG TANGTHU NIHNATE 11:5

Jerusalem-ah Rehoboam teng a, kihut nadingin Judah gam sungah khuapite a lam hi.

2 KHANG TANGTHU NIHNATE 11:22

Tua ciangin Rehoboam in Maakah’ tapa Abijah, a sanggamte lakah a ulian penin a seh hi; bang hang hiam cih leh kumpi-in amah koih sawm hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah a kipan amah tawh a om Israel mi khempeuh in Topa’ thukham nusia uh hi.