2 KHANG TANGTHU NIHNATE 10:19 - Tedim Bible

¹⁹ Tua ahih ciangin tuni dongin leilu lama om Israel-te in David innkuan lehdo uh hi.

Tedim Bible Revision 2017

¹⁹ Tua ahih ciangin tu ni dongin leilu lam a om Israel-te in David innkuan lehdo uh hi.

2 KHANG TANGTHU NIHNATE 10:19 Referans Kwoze

Late 89:30

“Ama tate in ka thukhamte nusia-in, ka biakna ngeina kip om bangin a gamtat kei uh a, amaute in ka ngeina siasakin ka thupiak a zuih kei uhleh, amaute’ thupalsatna hangin ciang tawh gim ka pia ding a, amau’ mawhnate hangin satna tawh gim ka pia ding hi.

Ezra 9:7

Ka pu ka pate uh hun a kipanin tuhun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpite’ khut sungah sihna, salsuahna, neihsa kisuhna, le maizumna thuak uh a, tuhunin zong tua bangmah ka thuak uh hi.

2 KHANG TANGTHU NIHNATE 10:16

Kumpipa in amaute’ thu a ngaih lohna Israel mi khempeuh in a muh uh ciangin mite in kumpipa dawngin, “David’ sungah kote in bang ngah nei ka hi uh hiam? Jessi’ tapa’ sungah gamhluah ka nei kei uh hi. Israel-te aw, na inn ciat uhah ciah un. Rehoboam in ama a’ ding vaihawm tawm ta hen,” a ci uh hi. Tua ahih ciangin Israel mi khempeuh a inn ciat uhah kihem uh hi.

2 KHANG TANGTHU NIHNATE 5:9

A zawlte sau ahih manin siangtho mun panin biakinn sungnung mai-ah a mongte kidawk a, ahih hangin a pualam panin kimu thei lo hi; tuni dongin tua lai-ah tuate om hi.

Joshua 4:9

Tua ciangin Joshua in Thuciamna Singkuang a pua siampite’ khe a dinnasa mun, Jordan laizangah zong suang sawm le nih mah a phut hi. Tuni dongin tua suangte tua mun mahah omlai hi.

Ezekiel 37:16

“Mihing ahi Ezekiel aw, sing ciangkhut khat la inla a tungah, ‘Judah kumpi gam,’ ci-in gelh in. Tua ciangin adang khat la leuleu inla a tungah, ‘Israel kumpi gam,’ ci-in gelh leuleu in.

Joshua 22:15

Tua ciangin Gilead gam sunga om Reuben mite, Gad mite, le Manasseh minam alangte kiangah va pai-in amaute kiangah,