2 KHANG TANGTHU NIHNATE 10:16 - Tedim Bible

¹⁶ Kumpipa in amaute’ thu a ngaih lohna Israel mi khempeuh in a muh uh ciangin mite in kumpipa dawngin, “David’ sungah kote in bang ngah nei ka hi uh hiam? Jessi’ tapa’ sungah gamhluah ka nei kei uh hi. Israel-te aw, na inn ciat uhah ciah un. Rehoboam in ama a’ ding vaihawm tawm ta hen,” a ci uh hi. Tua ahih ciangin Israel mi khempeuh a inn ciat uhah kihem uh hi.

Tedim Bible Revision 2017

¹⁶ Kumpipa in amauteʼ thu a ngaih lohna Israel mi khempeuh in a muh uh ciangin mite in kumpipa dawngin, “Davidʼ sungah kote in bang ngah nei ka hi uh hiam? Jessiʼ tapaʼ sungah gamhluah ka nei kei uh hi. Israel-te aw, na inn ciat uh ah ciah un. Rehoboam in ama ading vaihawm tawm tahen,” a ci uh hi. Tua ahih ciangin Israel mi khempeuh a inn ciat uh ah kihem uh hi.

2 KHANG TANGTHU NIHNATE 10:16 Referans Kwoze

2 KHANG TANGTHU NIHNATE 10:19

Tua ahih ciangin tuni dongin leilu lama om Israel-te in David innkuan lehdo uh hi.

2 SAMUEL NIHNA 20:1

Tu-in tua lai-ah Benjamin mi, Bikhri’ tapa Sheba min nei, mi ginalo khat hong omkha hi. Amah in peengkul tumin, “David’ sungah tanh i nei kei a, Jessi’ tapa’ sungah gamh i nei kei hi; na inn ciat uhah ciah un, Israel-te aw,” a ci hi.

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

1 KORIN MASA 15:25

Bang hang hiam cih leh Pasian in a galte khempeuh zo-in a khenuai-ah a koihkhit hun dong mateng Khrih in uk ding hi.

Sawltak 2:30

David pen kamsang hi a, ama tunga Pasian’ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

Johan 6:66

Hih bangin a thugenna hangin a nung a zui a thungai mi tampi kileh kikin Jesuh zui nawn lo uh hi.

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Amos 9:11

Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Isaiah 11:1

Jessi’ phung sung panin a sel khat hong khangkhia ding a, a zungte panin a no khat hong khang ding hi.

Late 132:17

Keimah in tua lai-ah David’ suanlekhakte kumpi lianin ka koih ding a, ka sathau nilh pa’ ukna ka kipsak ding hi.

Late 76:10

Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

1 KHANG TANGTHU MASATE 17:14

ka mite le ka kumpi gam a kem dingin amah ka koih ding a, ama kumpi tokhom kip paisuak ding hi,’ ci hi,” a ci hi.

1 KUMPI MASATE 11:13

Ahi zongin kumpi gam khempeuh ka balkhia kei ding hi. Ka nasempa David hang le ka teelsa Jerusalem hangin na tapa’ tungah minam khat ka pia lai ding hi,” a ci hi.

2 SAMUEL NIHNA 16:11

Tua ciangin David in Abishai le a nasemte khempeuh kiangah, “En un, keima tapa mahmah in kei thah dingin hong zong hi; hih Benjamin mi in bangzahin tu-in hong zongzaw kan ding ahi hiam! Ama thu-in omsak un, amah hong samsiasak un; bang hang hiam cih leh Topa in amah a sawl hi kha ding hi.

2 SAMUEL NIHNA 15:13

Tua ciangin kamtai khat David kiangah hong pai-in, “Israel mite’ lungsim Absalom’ lamah pai khin hi,” ci-in a gen hi.

1 SAMUEL MASA 22:13

Tua ciangin Saul in ama kiangah, “Tuni-a bangin hong pangsimin kei a do dingin hong kipat theih nadingin bang hangin nang le Jessi’ tapa in kei hong sawmsim a, ama tungah an le namsau pia-in, ama a dingin Pasian kiangah thu dotsak na hi hiam?” a ci hi.

1 SAMUEL MASA 22:9

Tua ciangin Saul’ nasemte’ kiangah a ding, Edom mi Doeg in dawngin, “Ahitub’ tapa Amalek’ kiang, Nob khua-ah Jessi’ tapa a pai ka mu a,

1 SAMUEL MASA 22:7

Tua ciangin Saul in a kimkotah a ding a nasemte kiangah, “Tu-in za un, no Benjamin-te aw; Jessi’ tapa in note khempeuh’ lote le leenggui lote hong pia-in, note khempeuh a tul a uk, a za a ukin hong koih dingin um a,

1 SAMUEL MASA 20:27

Ahih hangin a ni nih ni, Khadet ni khit a zing ciangin David’ mun awng lai hi. Tua ciangin Saul in a tapa Jonathan kiangah, “Bang hangin Jessi’ tapa zanni hitaleh tuni hitaleh an nekna-ah hong pai lo ahi hiam?” a ci hi.

Thukhente 8:35

Jerubbaal in Israel-te tungah a bawl thuhoihte khempeuh hangin amaute in Jerubbaal innkuante tungah lungdamna bangmah lak lo uh hi.

Luka 19:14

Ahi zongin ama gammite in hih ulianpa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

2 KHANG TANGTHU NIHNATE 10:17

Ahih hangin Judah khuapite-ah a teng Israel mite tungah Rehoboam in a uk hi.