2 KHANG TANGTHU NIHNATE 1:8 - Tedim Bible

⁸ Tua ciangin Solomon in Pasian kiangah, “Nangmah in ka pa David tungah a lian le a kip itna na lak khin a, ama tangin kumpi-in keimah nong koih khin hi.

Tedim Bible Revision 2017

⁸ Tua ciangin Solomon in Pasian kiangah, “Nangmah in ka pa David tungah a lian le a kip itna na lak khin a, ama tangin kumpi-in keimah nong koih khin hi.

2 KHANG TANGTHU NIHNATE 1:8 Referans Kwoze

1 KHANG TANGTHU MASATE 28:5

Tua ciangin ka tapate khempeuh lak panin (bang hang hiam cih leh Topa in kei tungah tapa tampi hong pia hi) Israel-te a ukin Topa’ kumpi tokhom tungah a tu dingin amah in ka tapa Solomon teel khin hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Late 89:49

Topa aw, na thumanna tawh David tunga na thuciamna, hun lui lai-a na itna kip koi-ah omta ahi hiam?

Late 86:13

Bang hang hiam cih leh keimah na hong itna kip lian mahmah a, Leinuai thuk sung panin kei nong honkhia khin hi.

1 KHANG TANGTHU MASATE 29:23

Tua ciangin a pa David tangin Topa’ phuhsa kumpi tokhom tungah kumpi-in Solomon a tu hi. Amah a dau pai a, Israel mi khempeuh in ama thu a mang uh hi.

2 SAMUEL NIHNA 22:51

Zawhna lianpi ama kumpipa tungah pia a, a sathau nilh pa David le a suanlekhakte tungah a tawntungin itna kip a lak hi,” a ci hi.

1 KUMPI MASATE 3:6

Solomon in, “Na nasem ka pa David’ tungah a lian itna kip na lak hi. Bang hang hiam cih leh cihtakna, thumanna tawh nangma mai-ah gamta-in, nangma tungah lungsim thutang hi. Nangmah in ama a dingin hih a lian itna kip koihsakin, tuni-in ama tokhom tungah a tu ding tapa khat na pia hi.

1 KHANG TANGTHU MASATE 17:16

Tua ciangin Kumpi David tumin Topa’ mai-ah tu a, “Topa Pasian aw, nangmah in hih ciang dong kei nong tunpihna kei kua hi a, ka innkuanpihte bang ahi hiam?

1 KHANG TANGTHU MASATE 29:28

Tua ciangin a khangham, a ni cing, hauhna le minthanna tawh a si hi. Tua ciangin a tapa Solomon in ama tangin uk hi.