2 JOHAN NIHNA 1:6 - Tedim Bible

⁶ Itna thu ka hong gen ciangin Pasian’ thupiakte zui ding cihna ahi hi. A kipat cil a kipan na zaksa uh ahi hih thupiakna pen na khan tawntungun zui-in itna na nei ta un.

Tedim Bible Revision 2017

⁶ Itna thu kong gen ciangin Pasianʼ thupiakte zui ding cihna ahi hi. A kipat cil a kipan na zak sa uh ahi hih thupiakna pen na khan tawntungun zui-in itna na nei ta un.

2 JOHAN NIHNA 1:6 Referans Kwoze

1 JOHAN MASA 5:3

Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

1 JOHAN MASA 2:24

Note in ahihleh a kipat cil a kipan na zak uh thute hoihtakin na zui un. A kipat cil a kipan na zak uh thute hoihtakin na zuih nak-uhleh Tapa tawh kipawlin, Pa Pasian tawh zong a kipawl na hi ding uh hi.

1 JOHAN MASA 2:5

Ahi zongin ama thu a zui mite pen Pasian a itna a kicingtaak taktak mi ahi hi. Hih bangin i gamtat leh Pasian tawh a kipawl taktak ihihna i thei hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

Johan 14:15

Tua ciangin Jesuh in, “Kei na hong it uhleh ka thupiakte zong na zui ding uh hi.

Johan 15:14

Ka hong thupiak bangin na gamtat uhleh ka lawmte na hi uh hi.

Johan 14:21

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it ding a, keimah in zong itin amaute tungah ka kilang ding hi,” a ci hi.

1 JOHAN MASA 5:15

Eite’ ngetna khempeuh amah in na za hi, ci-in thei ihih manin ama kiang panin i nget khempeuh zong hong pia ding hi, ci-in i thei hi.

2 JOHAN NIHNA 1:5

Tua ahih ciangin ka hong it tonu aw, ka hong thum nopna panin: Eite khempeuh khatlekhat ki-it ni, cihna ahi hi. Hih ka hong gen thu pen thuthak hi lo a, a kipatcil pek a kipanin i neihsa thupiakna ahi hi.

Thu-hilhkikna 13:4

Topa na Pasian uh nung zui-in, amah na zahtak ding uh a, a thupiaknate zui-in a thu na ngai ding uh a, amah bia-in amah na beel ding uh hi.

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

1 JOHAN MASA 2:7

Kong it lawmte aw, hih ka hong gelh thupiaknate pen a thak hi lo a, a kipat cil a kipanin na neihsa uh thupiakna lui mah ahi hi. Tua thupiakna lui pen note in na zakzaksa uh thu ahi hi.