2 JOHAN NIHNA 1:5 - Tedim Bible

⁵ Tua ahih ciangin ka hong it tonu aw, ka hong thum nopna panin: Eite khempeuh khatlekhat ki-it ni, cihna ahi hi. Hih ka hong gen thu pen thuthak hi lo a, a kipatcil pek a kipanin i neihsa thupiakna ahi hi.

Tedim Bible Revision 2017

⁵ Tua ahih ciangin ka hong it tonu aw, ka hong thum nopna panin: Eite khempeuh khatlekhat ki-it ni, cihna ahi hi. Hih kong gen thu pen thu thak hi lo a, a kipat cil pek a kipanin i neihsa thupiakna ahi hi.

2 JOHAN NIHNA 1:5 Referans Kwoze

1 JOHAN MASA 3:11

A kipat cil a kipanin na zak tawntung uh thu pen khatlekhat i ki-it nading thu ahi hi.

1 THESALONIKA MASA 4:9

Ahi zongin thu uppih mite it ding tawh kisai-in bangmah gelh ding na kisam nawn kei uh hi. Khatlekhat na ki-it nading uh Pasian in note tungah hong hilh khinzo hi.

Johan 15:12

“Note tungah ka hong piak thu in: Note ka hong it zahin note khatlekhat na ki-it un.

1 JOHAN MASA 3:23

Ama hong thupiakna in: A Tapa Jesuh Khrih umin zui-in, Khrih’ hong sawl bangin eite khatlekhat i ki-it ding ahi hi.

1 JOHAN MASA 4:20

Mi khatpeuh in, “Pasian ka it hi,” ci napi-in a Khristian mipihte a muhdah le a zuaupi a gen ahi hi. Bang hang hiam cih leh a muhtheih a Khristian mipih a it lo mi in a muhtheih loh Pasian it thei lo ding hi.

1 PETER MASA 4:8

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

2 PETER NIHNA 1:7

Pasian’ deih bangin na gamtatna uh sanggam ki-itna tawh na behlap un; na sanggam ki-itna uh itna thukpi tawh na behlapzawh nadingun na hanciam un.

Hebru 13:1

Khrih sungah unau bangin na ki-itna uh na zomsuak un.

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Johan 15:17

Tua hi a, note ka hong thupiak in: Khatlekhat na ki-it un, cihna ahi hi.

2 JOHAN NIHNA 1:1

A khangham bel keimah Johan in Teeltuam ahi, kong it taktak tonu le na pawlpi mite kiangah lai ka hong gelh hi. Kei bek in a hong it hi loin thuman a thei taktakte khempeuh in zong hong it uh hi.