2 JOHAN NIHNA 1:3 - Tedim Bible

³ Pa Pasian le a Tapa Jesuh Khrih in dikna, hehpihna, le nopsakna, eite tungah hong pia hen la, thuman le itna tawh tua thuphate khempeuh eite a’ hong hi tahen.

Tedim Bible Revision 2017

³ Pa Pasian le a Tapa Jesu Khris in dikna, hehpihna le nopsakna, eite tungah hong pia henla, thuman le itna tawh tua thuphate khempeuh eite aʼ hong hi tahen.

2 JOHAN NIHNA 1:3 Referans Kwoze

1 JOHAN MASA 4:10

Hih ka gen itna pen eite in Pasian i itna thu hi lo a, Pasian in eite hong itin, i mawhna a maitheih nadingin a Tapa a hong paisakna thu ahi hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesuh Khrih in note tungah dikna le nopsakna thupha hong tungsak tahen.

1 TIMOTI MASA 1:14

Pasian in genzawh lohin kei hong hehpih a, Khrih Jesuh tawh kipawlna hangin i ngahtheih upna le itna a hong guan hi.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eite’ Topa Khrih Jesuh in dikna, hehpihna le nopsakna thupha, nangma tungah hong tungsak tahen.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

2 JOHAN NIHNA 1:1

A khangham bel keimah Johan in Teeltuam ahi, kong it taktak tonu le na pawlpi mite kiangah lai ka hong gelh hi. Kei bek in a hong it hi loin thuman a thei taktakte khempeuh in zong hong it uh hi.

2 TIMOTI NIHNA 1:13

Keima tung panin na zaksa a man thute zui inla, Khrih Jesuh tawh i kipawlna hangin i ngah upna le itna thu-ah kiptakin om in.

Zekhariah 8:19

amah in, “Kha lina, kha ngana, kha sagihna, le kha sawmna sunga antannate pen, Judah gammite a dingin lungdamin kipakin pawi bawlna hun suak ta ding hi. Tua ahih manin thuman le kilemna deih pha un,” hong ci hi.