1 PETER MASA 1:3 - Tedim Bible

³ I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

Tedim Bible Revision 2017

³ I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

1 PETER MASA 1:3 Referans Kwoze

1 PETER MASA 1:23

A sithei nu le pate sung pan hi loin a sithei lo nu le pate sung panin a nungta tawntung Pasian’ thu tawh naungek bangin a suakkik na hi uh hi.

1 JOHAN MASA 5:4

Pasian’ ta ahite peuhmah in leitung nate zo uh a, i upna tawh leitung nate tungah a gualzo ihi hi.

ROM (Romans) 15:13

Kha Siangtho’ huhna tawh note’ lametna a khan semsem theih nadingin, lametna a hong piathei Pasian in, amah na upna uh hangin lungdamna le nopsakna tawh note hong kidimsak tahen.

Efesa 1:7

Khrih hong sihna hangin eite in suahtakna ngahin, i mawhnate hong kimaisak ahi hi. Tuazah dongin Pasian’ hong hehpihna thu bangzah takin lian ahi hiam?

2 KORIN NIHNA 1:3

Eite’ Topa Jesuh Khrih’ Pa ahi, hehpihna a nei Pa, i kisapna khempeuhah a hong huh Pasian in thupha ngah tahen.

1 JOHAN MASA 3:3

Khrih a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

1 JOHAN MASA 2:29

Khrih, thuman hi, ci-in na theih uh mah bangin a manin a gamta mi khempeuh zong Pasian’ tate hi, ci-in na theih ding uh ahi hi.

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

Paikhiatna 34:6

Ama mai-ah Topa pai-in, “Topa, Topa, hehpihna nei-in a dik Pasian; lungduai-in itna kip le thutakna tawh a dim;

Efesa 3:20

Eite a dingin na a hong sepsak, eite’ ngetzah val, le i ngaihsut zawh loh zah dongin a vangliatna tawh tampi tak a hong hihsak thei

Efesa 1:17

i Topa Jesuh Khrih’ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

1 PETER MASA 3:21

Tui pen note a hong honkhia tuiphumna lim hi a, pumpi panin nin sawpkhiatna lim hi loin, Jesuh Khrih thawhkikna hangin lungsim siantho nadingin Pasian’ tungah kamciamna lim ahi hi. Tua Jesuh thawhkikna in note hong honkhia ahi hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmahin, itna kip le thumanna tawh a kidim na hi hi.

1 TIMOTI MASA 1:14

Pasian in genzawh lohin kei hong hehpih a, Khrih Jesuh tawh kipawlna hangin i ngahtheih upna le itna a hong guan hi.

Efesa 2:4

Tua bang hinapi-in Pasian’ hong hehpihna le eite hong itna lian mahmah ahih manin,

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

1 KORIN MASA 15:20

Ahi zongin a thuman taktak ci lehang, a sisa mite zong hingkik takpi ding hi cih a kitel theih nadingin sihna panin Khrih kihingkiksak khinzo hi.

1 KORIN MASA 13:13

Tu laitakin a omlai thu thumte pen upna, lametna, le itna hi a, tua thumte sung panin itna mah a thu lianpen ahi hi.

1 JOHAN MASA 3:9

Pasian’ tate in mawhna bawlbawl lo uh hi. Pasian’ tate hi a, Pasian’ lungsim paii uh ahih manin mawhna zong bawl nuam lo uh hi.

1 PETER MASA 2:2

Naungek suakcilte na bang unla, note khangto-in hotkhiatna na ngahtheih nadingun kha thu tawh kisai nawizu siangtho duh belin na nei tawntung un.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

Kolose 1:27

Pasian in mi khempeuh a dingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khrih tawh a kipawlte in Pasian tawh minthanna ngahkhawm ding hi, cihna ahi hi.

ROM (Romans) 8:24

Hih bangin lamenin i upna in eite hong honkhia khin hi. Ahi zongin i lamet pen i muh ciangin tua pen lamet hi nawn lo hi. Kua in a muhsa nate lamen nawn ahi hiam?

ROM (Romans) 8:11

Sihna panin Jesuh a thokiksak Pasian’ Kha Siangtho note sungah hong om leh sihna panin Khrih a hingkik sakpa mah in note sungah a om ama Kha Siangtho mah tawh a sithei pumpi a hong nungtasak ding hi.

Johan 1:13

Tua bangin Pasian’ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Jonah 4:2

Topa’ kiangah thu ngen a, “Kong thum hi, Topa aw; ka gam sungah ka omlai pekin hici mah in teh, ci hi lo ka hi hiam? Hanciamin Tarshish khua-ah ka taisimna zong tua hang mah ahi hi; bang hang hiam cih leh nang pen a hehpih thei Pasian, a hehhak, a migi mahmah, siatna tunsak ding a kisiknuam Pasian na hihna kong thei hi.

Isaiah 26:19

Nangma mi a sisate hingkik ding uh a, amau’ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi-a a sisa mite Topa in hingkiksak ding hi.

1 JOHAN MASA 5:18

Pasian’ tate in mawhna bawlbawl lo uh hi. Pasian’ Tapa in amaute kem a, Dawimangpa in amaute susia zo lo hi.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

ROM (Romans) 5:10

Pasian tawh eite i kilangneih laitakin ama Tapa’ sihna hangin amah tawh hong kilemsak ahihleh tu-in Pasian tawh kipawl khinta ihih manin Khrih nuntakna in eite hong honkhiazo zaw kan ding hi lo ahi hiam?

ROM (Romans) 4:25

Eite’ mawhna hangin a si dingin Jesuh kipia a, Pasian tawh eite i kipawl theih nadingin kihingkiksak hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Late 41:13

Israel Pasian, Topa in khang tawntungin thupha ngah tahen. Amen, Amen!

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

1 KUMPI MASATE 8:15

Tua ciangin amah in, ”‘Egypt panin ka mi Israel-te ka paikhiatpih a kipanin keima min a om theih nadingin biakinn khat lamna ding Israel minam khempeuh sungah khuapi khat zong ka teel kei hi. Ahih hangin ka mi Israel-te tungah a uk dingin David ka teel hi,’ ci-in ka pa David tungah a kam tawh a ciamsa a tungsak Israel Pasian, Topa in thupha ngah tahen.

1 JOHAN MASA 4:7

Ka it lawmte aw, Pasian pen itna hong piankhiatna bulpi ahih manin eite khatlekhat ki-it ni. Itna a nei mi peuhmah, Pasian’ tate hi a, Pasian a thei uh hi.

1 THESALONIKA MASA 4:13

Sanggamte aw, lametna a nei lo mite bangin na dahluat loh nadingun a sisa mite’ omzia ding thu na theih ding uh ka deih hi.

Galati 6:16

Hih ka thugenna a zui mite a kipanin Pasian’ mite khempeuh tungah Pasian in nopsakna le hehpihna thupha hong pia tahen.

2 THESALONIKA NIHNA 2:16

I Topa Jesuh Khrih mahmah leh, eite hong itin, a hong hehpihna tawh thakhauhna le lametna a hong pia tawntung eite’ Pa Pasian in

1 PETER MASA 1:13

Tua ahih manin na lungsim uh ki-ukin a kigingsa-in om unla, Jesuh Khrih hong kilat ni ciangin na ngah ding uh hehpihna thupha ngaihsutin nei un.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

1 PETER MASA 3:5

A beisa hunah Pasian muangin thu um numeite in a pasalte uh thu mangin, tu-a bang danin a hoih nadingun a kibawl uh hi.

1 PETER MASA 3:15

Na lungsim sung uhah Khrih zahtakbawl unla, amah Topa-in nei un. Note’ lametna thu a hong dong a omkhak leh hoihtakin a genthei dingin kiging tawntung unla, ahi zongin lungnemna le zahtakna lim tawh gen un.

2 KHANG TANGTHU NIHNATE 31:8

Hezekiah le uliante hong pai-in a lomte a muh uh ciangin amaute in Topa le ama mi Israel-te thupha a pia uh hi.