1 JOHAN MASA 5:3 - Tedim Bible

³ Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

Tedim Bible Revision 2017

³ Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.

1 JOHAN MASA 5:3 Referans Kwoze

Johan 14:15

Tua ciangin Jesuh in, “Kei na hong it uhleh ka thupiakte zong na zui ding uh hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

2 JOHAN NIHNA 1:6

Itna thu ka hong gen ciangin Pasian’ thupiakte zui ding cihna ahi hi. A kipat cil a kipan na zaksa uh ahi hih thupiakna pen na khan tawntungun zui-in itna na nei ta un.

1 JOHAN MASA 2:3

Eite in ama thupiaknate i zuih leh amah a thei taktak ihihna hong kilang hi.

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tulkhat dongin thuciamna le itna kip lenin a thuman Pasian,

Micah 6:8

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

ROM (Romans) 7:22

Ka lungsim tawng taktakah Pasian’ thukham hoih ka sa hi.

Johan 15:14

Ka hong thupiak bangin na gamtat uhleh ka lawmte na hi uh hi.

Daniel 9:4

Topa ka Pasian’ kiangah thu ngenin ka mite’ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang ding a, amaute lungtang tungah gelhin, amaute’ Pasian ka hi ding a, amaute pen keima mi ahi ding uh hi.

ROM (Romans) 7:12

Tua ahih ciangin Thukham mahmah hitaleh thupiaknate hitaleh hoihin man a, siangtho hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Late 119:140

Na thuciamnate kician mahmah a, na nasempa in tuate deih mahmah hi.

Late 119:45

Nangma thuhilhnate zuih ding hanciam ka hih manin nuamtakin ka nungta ding hi.

Thu-hilhkikna 5:10

ahih hangin kei hong itin ka thupiakte a zui mi a tul tampite’ tungah itna kip a lak pa ka hi hi.

Paikhiatna 20:6

ahih hangin kei hong itin ka thupiakte a zui mi a tul tampite tungah itna kip a lak pa ka hi hi.

Mattiu 23:4

Amaute in midangte tungah vangik mahmah suanin khihcip uh a, ahi zongin tua van a puakpih dingin a khutmeno khat nangawn uh a taangsak nuam kei uh hi.

2 KUMPI NIHNATE 18:6

Bang hang hiam cih leh amah in Topa kiptakin len hi. Amah zuihna panin kihemkhia lo a, Topa in Moses tungah a gen thupiaknate a zui hi.