1 JOHAN MASA 3:2 - Tedim Bible

² Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Tedim Bible Revision 2017

² Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

1 JOHAN MASA 3:2 Referans Kwoze

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Kolose 3:4

Note’ nuntakna taktak Khrih ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw-ah hong omsak hi.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin nangma mel muhna tawh ka lungkim ding hi.

1 KORIN MASA 15:49

Eite in lei tawh a kibawl mite’ lim i puak mah bangin vantung panin a hong pai Mipa’ lim zong a pua ding ihi hi.

Mangmuhna 22:4

Amaute in ama maitang mu ding uh a, a taltang tung uhah ama min kigelh ding hi.

2 PETER NIHNA 1:4

Amah in piak dingin a hong ciam a manpha mahmah nate hih bangzia-in hong pia a, hih ama hong piak nate hangin leitungah a om siatna a piangsak thei duhluatna le deihluatnate panin na suakta uh a, Pasian’ pianziate na nei uh hi.

1 KORIN MASA 2:9

Tua ahih manin Lai Siangtho sungah, “Kuamah in a muh ngei loh, a zak ngei loh, piangthei dingin zong a ngaihsut loh uh thu pen Pasian in amah a it mite a dingin a bawlkholh saksa ahi hi,” ci-in na kigelh hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasian’ tate hong kici a, hong kicih mah bang ihi takpi hi. Leitung mite in tuhun ciang dong Pasian thei lo uh ahih manin eite zong a hong thei lo uh ahi hi.

Galati 4:6

Note pen ama tate na hihna uh a hong lah nadingin Pasian in ama Tapa’ Kha Siangtho, eite sungah hong tumsak a, tua Kha Siangtho in Pasian pen, “Pa aw, pa aw,” hong cisak hi.

ROM (Romans) 8:18

Tuhuna i thuaknate pen Pasian in a hong piak ding minthanna tawh ka ngaihsut khawm ciangin gentham ka sa het kei hi.

Galati 3:26

Khrih Jesuh tawh na kipawl manun note khempeuh Pasian’ tate na suahtheihna uh pen na upna hang uh ahi hi.

Johan 17:24

Pa aw, leitung a pianma pekin kei na hong itna hangin na hong piak pianzia a mu dingin keimah na hong piak mite zong ka omna-ah a hong pai theih nading ka deihsak hi.

Mattiu 5:8

Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.

1 JOHAN MASA 2:28

Ka itte aw, Khrih hong kilatkik ciangin lungmuang takin i omtheih nading le ama hong pai Ni ciangin i bukbuk loh nadingin amah tawh kiptakin kipawl ni.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

2 KORIN NIHNA 4:17

Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.

JOB (Job) 19:26

Natna in ka vun a nektum khit hangin, hih ka pumpi mahmah tawh Pasian ka mu ding hi.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.

Late 31:19

Nang hong zahtakte a dingin na koihsa na hoihte, nang hong beelte a dingin mite’ muhna-ah na bawl, nangma hoihna kicing a, mi khempeuh in thei uh hi.

Isaiah 56:5

ka innsung le ka huang sungah tanu le tapate sangin a hoihzaw phawkna le min ka pia ding a, a mang ngei nawn lo ding a kip tawntung min amaute tungah ka pia ding hi.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma taklamah nop tawntungnate a om hi.

Malakhi 3:2

Ahi zongin ama hong pai ni ciangin kua in thuakzo ding a, amah hong kilaak ciangin kua nungtazo ding ahi hiam? Amah pen, sikte a siangthosak mei, le puante a siangthosak satpiang tawh kibang hi.

Luka 17:30

Mihing Tapa hong kilat ni ciangin zong tua mah tawh hong kibang ding hi.

Luka 20:36

Amaute pen vantungmi tawh kibang uh a, sithei nawn lo uh hi. Sihna panin a thokik khinte ahih manin amaute pen Pasian’ tate ahi uh hi.

Johan 1:12

Tua bang hitaseleh ama thu ngai-in amah a um mite khempeuh tungah Pasian’ tate suahtheih nading thu a pia hi.

Johan 11:52

Jew mite a’ ding bek hi loin a kithehthang Pasian’ mi khempeuh pumkhat a suah nadingin a kikaihkhop nading thu zong a genkhol ahi hi.

ROM (Romans) 8:16

Eite, Pasian’ tate ihihna thu eima lungsim bek in a gen hi loin Pasian’ Kha Siangtho in zong hong genpih hi.

ROM (Romans) 8:19

Pasian’ bawlsa khempeuh in Pasian’ tate a hong kilahkhiat hun ding lawp mahmahin a ngak uh hi.

1 JOHAN MASA 2:7

Kong it lawmte aw, hih ka hong gelh thupiaknate pen a thak hi lo a, a kipat cil a kipanin na neihsa uh thupiakna lui mah ahi hi. Tua thupiakna lui pen note in na zakzaksa uh thu ahi hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

1 JOHAN MASA 3:21

Tua ahih manin ka it lawmte aw, i lungsimah kisuanna i neih hetkei leh Pasian’ mai-ah lungmuang takin i om ding hi.

Mangmuhna 2:28

Amaute tungah zingsol zong ka pia ding hi.