1 JOHAN MASA 2:3 - Tedim Bible

³ Eite in ama thupiaknate i zuih leh amah a thei taktak ihihna hong kilang hi.

Tedim Bible Revision 2017

³ Eite in ama thupiaknate i zuih leh amah a thei taktak ihihna hong kilang hi.

1 JOHAN MASA 2:3 Referans Kwoze

Johan 14:15

Tua ciangin Jesuh in, “Kei na hong it uhleh ka thupiakte zong na zui ding uh hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

1 JOHAN MASA 5:3

Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Johan 15:14

Ka hong thupiak bangin na gamtat uhleh ka lawmte na hi uh hi.

1 JOHAN MASA 4:13

Pasian in eite tungah a hong piak Kha Siangtho hangin Pasian le eite a omkhawm ihihna leh Pasian in eite hong ompih ahihna thu i thei hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Late 119:32

Keima theihna nong zaisak ciangin nangma thupiaknate lawpna tawh ka zui ding hi.

1 JOHAN MASA 3:19

Tua ahih manin tu-a bangin i om leh a thuman Pasian tawh a kipawl ihihna le ama mai-ah lungmuang takin a omthei ding ihihna i thei ding hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

1 JOHAN MASA 5:19

Leitung midang khempeuh Dawimangpa’ khut sungah a om ahi zongin eite pen Pasian’ mi ihihna thu i thei hi.

1 JOHAN MASA 3:14

Ei Khristiante khatlekhat ki-it ihih manin sihna khutsung panin paikhia-in nuntakna khut sungah a lut khinta ihihna thu i thei khinzo hi. Itna lungsim a nei lote pen sihna khutsung mahah a omlai uh ahi hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Mangmuhna 22:14

Khuapi kulhkongpi sungah a luttheih nading le nuntakna singgah a nektheih nadingun a puan uh a siangin a sawp mite, mi hampha ahi uh hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Late 119:6

Na thupiakte khempeuh mitsuanin nei ka hih manin, kei ka maizum kei ding hi.

1 JOHAN MASA 2:13

Pate aw, a kipat cil a kipanin a na om pa thei na hih manun lai a hong gelh ka hi hi. Tangvalte aw, Dawimangpa zokhin na hih manun lai a hong gelh ka hi hi. Tate aw, Pa Pasian thei taktak na hih manun lai a hong gelh ka hi hi.

1 JOHAN MASA 3:6

Tua ahih manin Khrih tawh a kipawl mite in mawhna bawl nawn lo uh a, mawhna a bawl lai teiteite pen Pasian a mu ngei lo, a thei ngei lo ahi uh hi.

1 JOHAN MASA 4:7

Ka it lawmte aw, Pasian pen itna hong piankhiatna bulpi ahih manin eite khatlekhat ki-it ni. Itna a nei mi peuhmah, Pasian’ tate hi a, Pasian a thei uh hi.

1 JOHAN MASA 5:2

Pasian itin ama thupiakte i zuihna tawh Pasian tate a it ihihlam i kithei ding hi.

Mangmuhna 12:17

Tua ciangin tua numei tungah gulpi heh mahmah a, tua numei’ suanlekhak dangte ahi, Pasian’ thupiakna zui-in, Jesuh thu-ah kiptakin a om mite a sim dingin kuankhia a,

Mangmuhna 14:12

Pasian’ thupiakna zui-in Jesuh tungah a citak Pasian’ mite a dingin thuakzawhna kisam hi.