1 JOHAN MASA 2:1 - Tedim Bible

¹ Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.

Tedim Bible Revision 2017

¹ Ka itte aw, note na khialh khak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite adingin Pa Pasian kiangah a hong thumsak dingin a thuman Jesu Khris i nei hi.

1 JOHAN MASA 2:1 Referans Kwoze

1 TIMOTI MASA 2:5

Bang hang hiam cih leh Pasian khat bek om a, Pasian le mite a hong kilemsakkik thei Khrih Jesuh khat bek om hi.

ROM (Romans) 8:34

Tua ahih manin kua in amaute tungah thu khenthei nawn ding ahi hiam? Eite a dingin a hong thumsak pa pen Pasian’ taklamah a tu, a sih khit ciangin sihna panin a kihingkiksak Khrih Jesuh hi lo ahi hiam?

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

1 JOHAN MASA 4:4

Ka it tate aw, note, Pasian’ mite na hi uh a, tua bang kamsang kineihkhemte a zokhin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

1 JOHAN MASA 3:7

Ka it tate aw, mite’ khemsa-in ta kei un. Khrih a thuman ahih mah bangin a manin a gamtate khempeuh a thuman ahi hi.

Johan 8:11

numei in, “Topa aw, kuamah in thu hong khen lo hi,” ci-in a dawng hi. Tua ciangin Jesuh in, “Kei zong nang tungah thu kong khen kei hi. Ciah inla, mawhna bawl nawn kei in,” a ci hi.)

Hebru 9:24

Tua ahih manin a lim ahi mihingte’ bawl Siangtho Mun sungah Jesuh pai lo a, vantung mahmahah va pai-in Pasian’ omna-ah eite’ tangin tu-in amah a va kilaak ahi hi.

1 JOHAN MASA 3:5

Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.

Efesa 2:18

Khrih hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i paithei hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Ezekiel 3:21

Ahi zongin a khialhloh nadingin mihoih khat na hilh a, na thu hong mangin mawhna a bawl kei leh amah nungta ding hi. Nang zong na suakta ding hi,” a hong ci hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Efesa 4:26

Na heh uh ciangin, tua hehna hangin khialkha kei unla, a tawntungin heh paisuak kei un.

Galati 4:19

Taneute aw, note in Khrih’ pianzia bang na neih dong uh, naupaii nupi in ta a suah ding a gimpih bangin note ka hong lunggimpih ding hi.

Johan 5:36

Ahi zongin Johan’ teci panna sangin a lianzaw teci khat ka nei a, tua in: Ka Pa in sep dingin a hong piak tu-a ka sep thute in kei a dingin teci a pang hi a, Pa in kei a hong sawl taktak ahihna hong kilangsak hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawlkhat in Pasian thei het lo na hih manun maizumhuai mahmah hi.

Johan 5:14

Tua khit ciangin Jesuh in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a siazaw khat na thuak ding hi,” a ci hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

Late 4:4

Lau-in ling unla, mawhna peel un. Na lupna tung uhah lungngai phapha unla, om khikhe un.

1 JOHAN MASA 5:21

Ka itte aw, milim na biakkhak loh nadingun na kidawm un.

Jeim 3:9

I leii tawh eite’ pa ahi Topa i phat thei a, Pasian tawh a kisunin a kibawl i mipihte zong tua i leii mah tawh i samsia thei hi.

ROM (Romans) 6:15

Eite pen thukham’ uk hi loin Pasian’ hehpihna in hong uk ahih manin mawhna i gamta kei ding hi.

Johan 13:33

Ka tate aw, note tawh sauvei ka hong omkhawm nawn kei ding hi. Note in kei na hong zong ding uh a, ahi zongin Jerusalem khua-a Jew uliante kiangah, ‘Ka paina munah na hong pai thei kei ding uh hi,’ ci-in ka gen mah bangin note kiangah zong tu-in ka hong gen hi.

1 TIMOTI MASA 3:14

Nang kiangah hong pai-in nang tawh kimu baih ding cih lametna tawh hih lai a hong gelh ka hi hi.

Johan 21:5

Jesuh in amaute kiangah, “Tangvalte aw, ngasa na man uh hiam?” ci-in a dot leh amaute in, “Bangmah ka man kei uh hi,” ci-in a dawng uh hi.

Johan 14:16

Keimah in Pa kiangah ka ngen ding a, note tawh a omkhawm tawntung dingin Thuman a hong lak Kha Siangtho, note hong Huhpa ding a hong pia ding hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

ROM (Romans) 5:10

Pasian tawh eite i kilangneih laitakin ama Tapa’ sihna hangin amah tawh hong kilemsak ahihleh tu-in Pasian tawh kipawl khinta ihih manin Khrih nuntakna in eite hong honkhiazo zaw kan ding hi lo ahi hiam?

1 JOHAN MASA 5:17

Gamtat khialhna khempeuh mawhna hi a, ahi zongin mawhna khempeuh in sihna ciang dong piangsak khin lo hi.

3 JOHAN THUMNA 1:4

Tate bangin ka hong neih mite a mantakin a gamtatna uh ka zakna hangin ka lungdamna sangin adang lungdamna lianzaw bangmah om lo hi.