1 JOHAN MASA 1:3 - Tedim Bible

³ Pa Pasian le a Tapa Jesuh Khrih tawh kote pawlkhatin ka om uh mah bangin note zong kote tawh pawlkhat nong suahtheih nading uh deihna-in ka muhsa uh le ka zaksa uh thute a hong gen ka hi uh hi.

Tedim Bible Revision 2017

³ Pa Pasian le a Tapa Jesu Khris tawh kote pawl khatin ka om uh mah bangin note zong kote tawh pawl khat nong suah theih nading uh deihna-in ka muh sa uh le ka zak sa uh thute a hong gen ka hi uh hi.

1 JOHAN MASA 1:3 Referans Kwoze

1 KORIN MASA 1:9

Ama Tapa ahi i Topa Jesuh Khrih tawh a kikhawl dingin a hong sam Pasian pen a citak Pasian hi a, a gensa bangin a hong tungsak takpi ding ahi hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Sawltak 4:20

Tua ahih manin kote in ka muhsa uh le ka zaksa uh thute gen loin ka om thei kei ding uh hi,” ci-in a dawng uh hi.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

Filippi 2:1

Note, Khrih tawh kipawlin na nuntakna uh in note hong thahatsak hi. Kha Siangtho tawh kikhawlin, khatlekhat kihehpihin, dikna na kibawl uh hi.

2 KORIN NIHNA 13:14

Topa Jesuh Khrih hong hehpihna thupha, le Pasian’ hong itna, le Kha Siangtho tawh kikholh theihna, note khempeuh tungah hong tung tahen.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

1 JOHAN MASA 1:1

Leitung piancil lai pek a kipanin a omsa ahi nuntakna a piathei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka ettel uh hi a, ka khut mahmah uh tawh ka lawn’ uh ahi hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Filippi 3:10

Jesuh Khrih thei-in, ama thawhkik bangin thokikin, kei zong sihna panin hong hingsakkik ding hi, ci-in ka lametna hangin ama thuak bangin thuakin, sihna-ah zong amah tawh ka kibat ding ka utpi pen ahi hi.

1 PETER MASA 5:1

Keima pumpi mahmah zong pawlpi upa hi-in, Khrih thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Kolose 1:13

Amah in khuamial vangliatna panin eite hong honkhia-in, a lungmuanhuaina mun, a it a Tapa’ ukna sungah hong koih a,

Sawltak 20:27

Bang hang hiam cih leh note tungah Pasian’ thu kong gen loh khat zong om nawn lo hi.

1 JOHAN MASA 1:5

Ama kiang panin za-in note tungah ka hong gen uh thu in: Pasian, khuavak hi a, khuamial tawh kizopna themkhat zong nei het lo hi.

Hebru 2:12

“Pasian aw, ka sanggamte kiangah nangma thu ka gen ding a, mi khempeuh mai-ah nangmah ka hong phat ding hi,” na ci a,

1 TIMOTI MASA 6:2

Thu um mi to-in a nei silate in upna sungah sanggam khat hi hang, ci-in ngaihsutna tawh a tote uh zahtakbawl loin omkha kei uh hen. Amaute’ nasepna hangin hamphatna a ngah mite pen thu um mi le a it uh mite ahih manin a hoihzaw-in a sepsak ding uh a kilawmzaw ahi hi. Tu-a ka hong gen ding thute mi khempeuh tungah hilhin gen in.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna-ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Efesa 3:6

Tua thusim pen: Lungdamna thu a kihilhna hangin Gentail mite in Jew mite tawh Pasian’ thupha ngahkhawm thei a, amaute tawh pawlkhat suakin, Pasian in piak dingin a ciam thute, Khrih hangin a ngahkhop theihna uh ahi hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

1 THESALONIKA MASA 1:10

a hong tung ding Pasian’ hehna panin eite a hong honkhia, sihna panin Pasian in a thawhsakkik a Tapa Jesuh, van panin a hong pai ding ngak dingin milim paisanin Pasian’ lamah na kiheina uh thute mi khempeuh in gen belin a nei uh hi.

1 KORIN MASA 15:1

Sanggamte aw, note kiangah ka hong hilh, note in hong sangin kiptakin na let uh thu, na phawkkik ding uh ka deih hi.

ROM (Romans) 15:27

Hih pen amau ngaihsut tawmna tawh lawptakin a huh uh ahi hi. A taktakin ci lehang hih mizawngte a huh dingun a kilawm mah ahi hi. Bang hang hiam cih leh Jew mite in kha thu tawh kisai nate Gentail mite hawm uh ahih manin Gentail mite in zong leitung nate tawh Jew mite a huh dingun a kilawm khat ahi hi.

Sawltak 13:32

Kote pen note kiangah Lungdamna Thu a puak dingin hih lai-ah a hong om ka hi uh hi. Tua thu in: Pasian in i pu i pate tungah a ciam thu pen Jesuh a hinkik sakna tawh, Israel’ suan ahi eite le midang khempeuh a dingin tu-in a hong tungsak ahi hi. Late a lian nihna sungah, ‘Nang pen ka Tapa na hi a, tuni-in nangma Pa ka suak hi,’ a cihna thu hong tungsak hi.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an nekhawmin, thu zong a ngenkhawm uh hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Johan 17:11

Tu-in nangma kiangah kei a hong paita ding ka hih manin leitungah ka om nawn kei ding a, ahi zongin amaute a omlai ding uh ahi hi. Tua ahih manin a Siangtho ka Pa aw, nang le kei pumkhat ihih mah bangin amaute zong pumkhat ahih nadingun na vangliatna tawh hoihtakin na kem in.

Late 22:22

Ka u ka naute tungah nangma min ka gen ding a, mihon kikhopna laizangah nangmah kong phat ding hi.

Isaiah 66:19

amaute’ lakah lim khat ka khai ding hi. Amau’ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Late 2:7

Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

Johan 19:35

(Note in na uptheih nadingun hih thupiang a mu pa in ama muhna bang a hong gen ahi hi. Ama thugente a man thu hi a, a gen pa in a mantaktak a gen ahihna thu zong a thei hi.)

2 PETER NIHNA 1:16

I Topa Jesuh Khrih a vangliatna le a hong paikik nading thute note kiangah ka hong gen uh ciangin mihingte’ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

Gamlak-vakna 10:32

Kote hong zui lecin, Topa in kote hong limbawl ding bangbangin nang zong kong limbawl ding uh hi,” a ci hi.

JOB (Job) 13:1

“Na gen uh thu khempeuh ka muhsa vive hi a, ka bil-in ka zakzaksa, ka theihtheihsa thu ahi hi.