Biblia Todo Logo
Bib sou entènèt

- Piblisite -




1 JOHAN MASA 1:2 - Tedim Bible

2 Hih nuntakna pen a kimuthei a hong suah ciangin kote mahmah in ka mu uh hi. Tua ahih manin kote tungah a hong kilak, Pa Pasian tawh a omkhawm tua nuntak tawntungna pen genbelin nei-in, note tungah zong a hong gen ka hi uh hi.

Gade chapit la Kopi

Tedim Bible Revision 2017

2 Hih nuntakna pen a kimu thei a hong suah ciangin kote mahmah in ka mu uh hi. Tua ahih manin kote tungah a hong kilak, Pa Pasian tawh a om khawm tua nuntak tawntungna pen gen belin nei-in, note tungah zong a hong gen ka hi uh hi.

Gade chapit la Kopi




1 JOHAN MASA 1:2
37 Referans Kwoze  

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.


Nuntakna a nei khempeuh in tua Thu tung panin a nuntakna uh ngah a, tua nuntakna in mi khempeuh tungah khuavak hong tunpih hi.


I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.


Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.


Tu-in Pasian’ teci panna in: Pasian in ama Tapa tungtawnin eite tungah nuntak tawntungna a hong pia hi.


A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.


Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.


Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.


tuhun ciangin eite hong Honpa Khrih Jesuh tungtawnin a dikna hong langsak ta hi. Tua Jesuh in sihna beisak a, lungdamna thu hangin sih nawn lohna thu a hong kilangsak hi.


Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.


A kipat cil a kipanin kei tawh omkhawm na hih manun note in zong keima thu na gen ding uh hi.


Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.


Keima pumpi mahmah zong pawlpi upa hi-in, Khrih thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:


Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.


Mi khempeuh tungah kilangsak loin, a thei teci dingin Pasian in a hong teelsa kote bek tungah hong kilangsak hi. Sihna panin a hinkik khit ciangin kote in amah tawh an nekhawm tui dawnkhawmin ka om uh hi.


Hih thute thei-in teci a pangte pen ko sawltakte bek hi loin Kha Siangtho tawh zong ka hi uh a, tua Kha Siangtho pen amah a um mite tungah Pasian in a khongin a piak ahi hi,” ci-in a dawngkik uh hi.


Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.


Hih pen sihna panin Jesuh a kithawhkiksak khitzawh nungzuite tungah a kilah a thum veina hita hi.


Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.


Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.


Tua ahih manin keimah in ahihleh ka Pa’ hong lahsa thute bek a gen ka hi a, ahi zongin note ahihleh na pa uh hong sawl bangin a gamta na hi uh hi,” a ci hi.


Ahi zongin amah in kei hong sawlin, ama kiang panin a hong pai ka hih manin ke’n ka thei hi,” a ci hi.


Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.


Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.


Leitung piancil lai pek a kipanin a omsa ahi nuntakna a piathei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka ettel uh hi a, ka khut mahmah uh tawh ka lawn’ uh ahi hi.


Tua ahih manin amaute tungah nuntak tawntungna pia ka hih manin si ngei nawn lo ding uh a, keima khutsung panin kuamah in amaute hong sut zo lo ding uh hi.


(Note in na uptheih nadingun hih thupiang a mu pa in ama muhna bang a hong gen ahi hi. Ama thugente a man thu hi a, a gen pa in a mantaktak a gen ahihna thu zong a thei hi.)


Khrih in eite tungah piak dingin a hong ciamsa thu pen hih nuntak tawntungna ahi hi.


Pasian’ Kha sawlna tawh thugente le adangte bangci khentheih ding na hi uh hiam cih leh: Jesuh Khrih pen mihing bangin hong pai hi, ci-in a gente khempeuh Pasian Kha’ lamlahna tawh thugen ahi hi.


Pa Pasian in leitung mite a honkhia dingin a Tapa a hong paisakna thu kote in thei-in midang kiangah genbelin ka nei uh hi.


Pasian’ Tapa a um mite in nuntak tawntungna a nei na hih lamtak uh na theih nadingun hih lai a hong gelh ka hi hi.


Swiv nou:

Piblisite


Piblisite