Zon tokbaut Zizas 1:3 - Torres Strait Creole (Yumplatok)

³ God i bin meke ebriting tru da Mesiz. Ip i no bin gad da Mesiz, den God i no bin meke eni demting wea em i bin mekem.

Zon tokbaut Zizas 1:3 Referans Kwoze

Namba 1 leta po Sos blo Korint 8:6

Bat yumpla sabe i gad wan God, uda i da Papa, uda i bin meke ebriting, ane yumpla stap laip po em ane i gad wan BosLod, Zizas Kraist, ane God i bin meke ebriting tru em ane em bin gibe yumpla laip.

Rebaleisan - end blo ebriting 4:11

‘BosLod ane God blo mipla, yu prapa gad da rait po gede da truglori ane ona ane paua blo eben. Bikoz yu bin meke ebriting lo da wold, ane yu bin gibe laip po ebriting bikoz yu bin wande mekem.’

Zenasis - Stat blo ebriting 1:26

Den God i bin tok diskain, ‘Yumpla go meke ol pipol solong dem pipol go gad seimkain imiz wase yumpla. Meke dempla po kam bos blo ol laipsamting: ol pis blo solwata, ol pizin, ol teimanimal, ol wailanimal ane ol smolanimal i wagbaut ya antap lo da lan.’

Zon tokbaut Zizas 1:10

Dat man wea i bin gad da trulait, i bin ya wea dis wold ane God i bin meke ebriting blo dis wold prom laip blo dat man. Bat ebri pipol ya prapa no bin sabe uda em.

Leta po Sos blo Episis 3:9

God uda i bin meke ebriting, em bin suze mi po eksplein po ebriwan baut dis sikret trutok wea em no bin spik de pas po dem bipotaim pipol.

Zenasis - Stat blo ebriting 1:1

Mina prapa longtaim, bipotaim, God i bin meke da skai ane ebriting de antap wea da skai, da lan ya daun ane ebriting lo da lan.

Zon tokbaut Zizas 1:2

Da Mesiz i bin de wantaim tugeda wea God de pas.

Leta po Ibrupipol 11:3

Bikoz yumpla bilib, yumpla sabe God em i bin spik wod ane prom dem wod blo em, em bin meke ebriting lo da skai ane solwata ane ert, wen em bin spik. Ane ebriting wea yumpla i luk nau, God i bin mekem prom ol samting wea yumpla i no bin luk bipo.

Namba 1 leta prom Zon 5:1

Ebriwan uda i bilib dat Zizas i da Promiswan uda God i bin sanem kam, wa, dempla i pikinini blo God. Ane ebribodi uda i labe da PapaGod, dempla labe ol amenpamle blo em tu.

Rebaleisan - end blo ebriting 3:14

Dis man i bin kip spik, ‘Raite dis leta po einzel blo sos de lo Ladasia. Dis mesiz i kam prom da man uda da Truwan, ane em kan tan go nadawei prom yumpla. Ane em da man blo mata tok stret ebridem wod blo God. Em i nau bos blo ebridem samting God i bin mekem: