Rebaleisan - end blo ebriting 22:20 - Torres Strait Creole (Yumplatok)

²⁰ Orait. Zizas i bin spik ol dem wod ya ane dem wod i prapa tru. Zizas i spik, ‘I no longtaim nau, ai go kambaigen.’ Amen! BosLod Zizas, plizgar yu kam!

Rebaleisan - end blo ebriting 22:20 Referans Kwoze

Rebaleisan - end blo ebriting 22:7

Nau Zizas em i spik diskain, ‘Yupla lisen gud. Ai go kambaigen sun. Ane ebri pipol wea ol i bin obei ebridem tok wea God em i gibem insaid lo dis buk ya, God go blese dempla.’

Leta po Ibrupipol 9:28

Seimwei, Kraist i bin gibe emselp, wan opring sakripais, mata wantaim po tekemaut sin blo prapa plenti pipol. Bat em i go kam gen, distaim no po opa emselp po sin, bat po seibe demwan uda i redi ane weit po em.

Rebaleisan - end blo ebriting 22:12

Nau Zizas i spik diskain, ‘Yu lisen gud. Ai go kambaigen sun. Ane ai go teke riwod blo dempla kam lo mi. Ebribodi i go gedem po seimkain wase dempla bin mekem.

Namba 2 leta po Timoti 4:8

Ane ai sabe i gad spesil praiz i weit po mi de wea eben. Ane God i go gibe dat praiz po ol dem pipol uda stap wea rait ane stretwei wea em. Em da bos blo yumpla ane em go zaze ebri pipol wea rait ane stretwei. Em go gibe spesil riwod po mi ane spesil riwod po ebriwan uda mata ebritaim weit po da taim wen da BosLod i go kambaigen po ert.

Namba 1 leta po Sos blo Korint 16:22

Ip eniwan uda i no labe da BosLod, kers i go poldaun antap em. BosLod, pliz kam gar!

Rebaleisan - end blo ebriting 22:10

Ane em i bin spik mi diskain, ‘Yu no aide da mesiz ya wea God em i gibem insaid lo dis buk, bikoz taim i prapa klostu po ebriting ya po apen.

Rebaleisan - end blo ebriting 1:2

Zon em i bin spik ebriting blo God ane ol dem trutok wanem Zizas Kraist bin spik. Zon bin spik ebriting wanem em bin luk ane em bin raitem daun.

Rebaleisan - end blo ebriting 22:18

Ai Zon ya. Yupla mas lisen prapa gud. Ai wone ebridem pipol uda bin lisen ebridem tok ya wea God i bin gibem insaid lo dis buk. Ip enibodi i ade ol nada wod ane raitem insaid wea dis buk ya, God i go ade dem seim panis po dempla wanem i bin raitem insaid lo dis buk.

Zon tokbaut Zizas 21:25

Wa, i gad prapa nadakain plenti ol nada samting wea Zizas i bin mekem. Ip ebri demting i bin raitem daun, ai tingk dis wold ya nogo gad speis po pute ol dem buk.

Rebaleisan - end blo ebriting 1:18

Ai da man uda da prapa laipwan. Ai bin ded wantaim bat ai laipgen. Luk, ai da wan uda mata stap laip poeba ane ai no sabe ded! Ane ai kare ki blo ded ane dat ples, el.

Leta po Ibrupipol 10:37

‘I nogo bi long nau bipo dat wan uda i go kam, em go kam, ane em no gobi leit.

Rebaleisan - end blo ebriting 2:16

Yupla mas libe dem nugud rabiswei nau. Ip yupla no libe dem nugudwei, yupla go atzamp wen ai go kamaut kuikwan lo yupla ane paite ebridem pipol ya lo sod wea i kamaut prom maut blo mi.