Rebaleisan - end blo ebriting 1:11 - Torres Strait Creole (Yumplatok)

¹¹ Dat bois i spik, ‘Yu mas raitem daun lo wan buk wanem yu luk. Apta, yu mas sane da buk go po dem seben sos ya, Episis, Smerna, Pegamam, Taitira, Sadis, Piladelpia, ane Ladasia.’

Rebaleisan - end blo ebriting 1:11 Referans Kwoze

Rebaleisan - end blo ebriting 3:1

Dis man i bin kip spik, ‘Raite dis leta po einzel blo sos de lo Sadis. Dis mesiz i kam prom da wan uda i gad dem seben spirit blo God, ane dem seben sta: ‘Ai sabe ebridem samting yupla i mekem, ane ebribodi i spik demkain ya, yupla stil laip, bat prapa, yupla ded.

Rebaleisan - end blo ebriting 1:4

Ai Zon ya, ai raite dis leta ya po yupla ebriwan de lo dem seben sos lo steit lo Eiza. Spesilpeiba ane pis ya i kam prom God uda i stap lo yumpla, da wan uda i ya nau, ane da seimwan i bin de pas ane da seimwan uda i go kam. Ane spesilpeiba ane pis i kam wantaim prom dem seben spirit prant wea dat spesil tron blo God.

Rebaleisan - end blo ebriting 3:14

Dis man i bin kip spik, ‘Raite dis leta po einzel blo sos de lo Ladasia. Dis mesiz i kam prom da man uda da Truwan, ane em kan tan go nadawei prom yumpla. Ane em da man blo mata tok stret ebridem wod blo God. Em i nau bos blo ebridem samting God i bin mekem:

Rebaleisan - end blo ebriting 3:7

Dis man i bin kip spik, ‘Raite dis leta po einzel blo sos de lo Piladelpia: Dis mesiz i kam prom da wan uda i oli ane mata blo spik trutok, ane em kare ki ya wea King Deibid i bin karem. Ip em opene doa, no man i sabe po satem, ane ip em satem, no man i sabe po openem.

Rebaleisan - end blo ebriting 2:18

Dis man i bin kip spik, ‘Raite dis leta po einzel blo sos de lo Taitira. Dis mesiz i kam prom Boi blo God wea ai blo em i prapa brait wase paia ane leg blo em i bin sain wase bras wea i bin polisem:

Rebaleisan - end blo ebriting 2:12

Dis man em bin kip spik, ‘Raite dis leta po einzel blo sos de lo Pegamam. Dis mesiz i kam prom da man uda gad sod wea i nadakain sap lo tusaid:

Rebaleisan - end blo ebriting 2:8

Dis man em i kip spik, ‘Raite dis leta po einzel blo sos de lo Smerna. Dis mesiz i kam prom da man uda i paswan lo ebridem samting ane da laswan tu lo ebridem samting. Em bin ded ane kambaigen laip:

Leta po Sos blo Episis 1:1

Ai Pol, wan misnareman blo Kraist Zizas bikoz God i bin suze mi. Ai raite dis leta ya po dem pipol blo God, dem amenpamle uda i pole Kraist de lo da siti blo Episis.

Rebaleisan - end blo ebriting 21:5

Nau dis man uda i sidaun lo tron, em i bin spik diskain, ‘Luk, ai meke ebridem samting kamaut niu!’ Ane em bin spik gen diskain, ‘Yu raitem daun ol dem tok ya bikoz dem tok i prapa trutok ane demting i go prapa apen.’

Rebaleisan - end blo ebriting 19:9

Nau dat einzel i bin spik po mi diskain, ‘Yu raitem daun diswan: Dem pipol uda go kam po pisting blo maret blo da Smolsip, God i go blese dempla.’ Ane dat einzel em bin spik gen po mi, ‘Dis tok wanem ai bin spik, i prapa trutok blo God.’

Rebaleisan - end blo ebriting 14:13

Nau ai bin lisen bois gen i kam prom eben. Em spik, ‘Yu raitem daun dem wod ya ai spik. Dempla uda bilib wea da BosLod ane uda i go ded prom distaim ya nau, God i go blese dempla. Wa, da OliSpirit i spik, dempla go spel prom ol adwok blo dempla, ane dem gudsamting ol i bin mekem, i go mata go wea dempla.’

Rebaleisan - end blo ebriting 10:4

Wen dem seben tanda i bin tok, ai bin redi nau po raitem daun wanem dempla bin spik. Bat seimtaim, ai bin lisen bois prom eben i spik po mi diskain, ‘Wanem dem seben tanda i spik, demwan sikret. Yu mas no raitem daun.’

Rebaleisan - end blo ebriting 1:19

‘Yu mas raitem daun nau ol dem samting ya wanem yu bin luk, ane ol dem samting wea i go apen biain.

Rebaleisan - end blo ebriting 1:8

Da LodGod em i spik, ‘Ai da paswan bipo ebri samting ane ai da laswan biain ebri samting ya. Ai da wan uda i ya nau, ane da seimwan i bin de pas ane da seimwan uda i go kam, da Strong AntapGod.’

Namba 1 leta po Timoti 1:3

Bipo ai bin go po da steit blo Masadonia ai bin spik yu po stap de wea da siti blo Episis solong yu go oda sam pipol de po stap tise ol lai tising.

Rebaleisan - end blo ebriting 1:17

Nau wen ai bin luk em, ai bin poldaun prant lo leg blo em wase man wen i poldaun ded. Bat em bin tase mi lo raitan blo em ane em bin tok diskain, ‘Yu nomo prait! Ai da paswan bipo ebri samting ane ai da laswan biain ebri samting ya.

Rebaleisan - end blo ebriting 1:2

Zon em i bin spik ebriting blo God ane ol dem trutok wanem Zizas Kraist bin spik. Zon bin spik ebriting wanem em bin luk ane em bin raitem daun.

Namba 1 leta po Sos blo Korint 16:8

Bat ai go mata stap ya wea Episis antil i da pistingdei blo teke kaikai po blesem lo Pentikos.

Namba 1 leta po Sos blo Korint 15:32

De lo Episis ai bin gad big trabol wea sam dempla, seimkain wase man wen em pait gense wailanimal. Watpo ai bin go tru dat trabol ip ol ded pipol i nogo kamlaipgen prom ded? Baibol i bin spik diskain: ‘Kam, yumpla go meke big pisting ane drongk, bikoz tumoro yumpla go ded.’

Pas misnare wok 20:17

Pol i bin sane wod po dem soselda wea Episis po kam ane mite em wea Malitas.

Pas misnare wok 18:24

Wan Zuwisman neim blo em i Apolos, i bin kam de po Episis. Em bin bon wea Izipt wea wan taun neim Alikzandria. Em bin gad gudwei po tok ane em bin sabe plenti baut dem wod blo God.

Pas misnare wok 16:14

Wan oman, neim blo em Lidia, i bin kam prom wan taun neim Taitira. Em bin meke prapa dia papal kala kaliko po selem. Lidia em bin Nozuwisoman bat em bin slu ane bin pole dem Zuwiswei po wosip God. So wen Pol i bin tok, Lidia i bin prapa tekenotis ane da BosLod i bin prapa opene tingking blo em po wanem Pol i bin tokbaut.

Leta po Sos blo Kolosi 2:1

Ai prapa wande yupla ol dem Kristian de wea Kolosi ane da taun blo Ladasia, po sabe ai bin wok prapa ad po elpe yupla, ane po dem nada Kristian de tu uda i no bin luk pes blo mi.

Rebaleisan - end blo ebriting 1:20

Nau yu bin luk dem seben sta ya wea ai kesem lo raitan blo mi, ane yu bin luk dem seben gold lampstan. Ol i kare mining lo dempla. Dem seben sta ya i dem einzel blo dem seben sos. Ane dem seben big lampstan ya, i dem seben sos.’

Rebaleisan - end blo ebriting 2:1

Dis man em i kip spik, ‘Raite dis leta po einzel blo sos de lo Episis. Dis mesiz i kam prom da man uda i kare dem seben sta lo raitan blo em, da seimwan uda i wagbaut melen lo dem seben gold lampstan:

Rebaleisan - end blo ebriting 2:24

‘Bat yupla dem nadalot de lo Taitira, yupla ol no bin pole dem nugud tising ya. Yupla prapa no bin pole dem “sikret tok blo Satana”. Diswan ya ai spik yupla. Ai nogo gibe yupla no nada adsamting po mekem.

Rebaleisan - end blo ebriting 3:4

‘Bat i gad sam yupla de lo Sadis uda i no meke nugudting, uda stil stap klin wea mi. Dempla mata go were wait kaliko ane ol i go wagbaut tugeda wea mi. Dempla gad dat rait.

Rebaleisan - end blo ebriting 22:10

Ane em i bin spik mi diskain, ‘Yu no aide da mesiz ya wea God em i gibem insaid lo dis buk, bikoz taim i prapa klostu po ebriting ya po apen.

Rebaleisan - end blo ebriting 22:16

Zizas i bin spik, ‘Ai Zizas, ai da wan uda bin sane einzel blo mi po yu po spikaut da mesiz po yupla wea ebridem sos. Ai da seimwan uda i bin bon lo pamlelain blo King Deibid ane nau ai go kam king blo dat tron blo em. Ai nau wase dis sta wea i sain lo moningtaim wea i prapa brait.’