Zenasis - Stat blo ebriting 47:7 - Torres Strait Creole (Yumplatok)

⁷ Den Zosep i bin teke papa blo em kam, ane bin meke em stanap prant lo da Pero king, ane Zekop i bin aske God po blese da Pero king.

Zenasis - Stat blo ebriting 47:7 Referans Kwoze

Zenasis - Stat blo ebriting 47:10

Zekop i bin aske God po blese da Pero king bipo em bin lego go ane libe aus blo da Pero king.

Namba 1 leta prom Pita 2:17

Yupla i mas soe rispekt po ebribodi. Lab yupla amenbala ane amensisi ane labe ol amenpamle tu. Yupla mas prait prom God ane mas soe rispekt po da king.

Luk tokbaut Zizas 22:19

Nau Zizas bin teke bred ane em bin eso God, broke da bred ane gibe dempla. Em bin spik, ‘Diswan bodi blo mi, ai gibe yupla. Yupla mas mata meke disting sole yupla go tingbaut wanem ai bin mekem po yupla.’

Matiu tokbaut Zizas 26:26

Wail dempla i bin stil kaikai, Zizas i bin teke sam bred ane eso God po da bred. Den em bin brokem ane gibem po dem klostuman blo em ane spik diskain, ‘Tekem ane kaikai. Diswan i bodi blo mi.’

Zenasis - Stat blo ebriting 35:27

So Zekop i bin kambaigen po aus nau blo papa blo em Aizak, de lo Mamre, klostu po Kiriataba. Diswan i Ebron wea Eibram ane Aizak i bin stap.

Zenasis - Stat blo ebriting 47:8

Da Pero king i bin aske Zekop, ‘Wanem eiz blo yu?’

Zenasis - Stat blo ebriting 14:19

Melkizadek bin blese Abram ane spik diskain: ‘God i blese Abram, da Prapa AntapGod uda bin meke da skai ane ebriting de antap, ane ert ya daun!