Zenasis - Stat blo ebriting 32:9 - Torres Strait Creole (Yumplatok)

⁹ Den Zekop i bin prea, ‘God blo ate blo mi Eibram ane God blo papa blo mi Aizak. AntapGod, yu bin spik po mi, “Gobaigen po kantri blo yu ane po ol kazenbala blo yu, ane ai go meke ebriting orait.”

Zenasis - Stat blo ebriting 32:9 Referans Kwoze

Zenasis - Stat blo ebriting 31:42

Ip God blo mi, da seim God blo ate Eibram ane papa blo mi Aizak no bin elpe mi, den nau, diskaintaim, yu bin pinis sanewei mi nogad nating. Bat God i bin luk ol dis trabol yu bin mekem po mi ane em i bin luk dat adwok ai bin mekem. Daswai lasnait God i bin tok po yu ane soe yu dem rongting wea yu bin mekem.’

Zenasis - Stat blo ebriting 31:13

Ai da seim God uda bin soe maiselp po yu lo Betel wea yu bin meke dat ston stanap ane yu bin kapsaid oliboil antap dat ston ane yu bin meke wan tru promis po mi. Wa. Diskaintaim libe dis ples biain ane gobaigen po da ples wea yu bin bon.” ’

Zenasis - Stat blo ebriting 28:13

Ane da AntapGod i bin kam lo em insaid lo da drim blo em, wea em bin stanap klostu po Zekop ane da AntapGod i bin spik diskain po em, ‘Ai da AntapGod, da God blo Eibram, ate blo yu, ane da God blo papa blo Aizak. Dis lan wea yu leidaun antap nau, ai go gibem po yu ane po ol pamlelain blo yu.

Zenasis - Stat blo ebriting 31:3

Den da AntapGod bin spik diskain po Zekop, ‘Gobaigen po da ples blo papa ane ol pipol ane ol kazenpamle blo yu, ane ai gobi lo yu ane elpe yu.’

Zenasis - Stat blo ebriting 31:53

Ai aske God blo dem pamlelain blo yumi, God blo ate Eibram blo yu ane God blo ate Nao blo mi. Ai askem dat God gobi zaz melen yumi.’ So Zekop i bin meke strongpromis wea neim blo God blo papa blo em Aizak, dat em go pole dat strongpromis.

Zenasis - Stat blo ebriting 31:29

Ai ken meke nugudting po yupla, bat God blo papa blo yu i bin spik po mi lasnait, “Lugaut. No spik nugudwei po Zekop.”

Zenasis - Stat blo ebriting 17:7

‘Ai go meke strong griment wea yu. I gobi melen mi ane yu, ol pamlelain blo yu uda i bon apta yu, ane pamlelain apta pamlelain godaun. Dis strong griment i go mata go poeba. Ai God blo yu, ane God blo pamlelain blo yu uda i go bon apta yu.

Zenasis - Stat blo ebriting 28:15

Mina tru, ai ebritaim lo yu ane ai lugaut yu ebriwea wea yu wagbaut, ane ai go teke yu kambaigen po dis lan. Ai nogo libe yu antil ai bin pinis meke ebriting wanem ai bin spik ai go mekem po yu.’

Zenasis - Stat blo ebriting 32:8

Em bin tingk po emselp diskain, ‘Ip Iso go kam po wanmob ane kile ebriwan, den da nadamob ken ranwei.’

Zenasis - Stat blo ebriting 49:25

Lete da God blo ol ate blo mi elpe yu. Lete da Strong AntapGod blese yu wea ol rein po wete dem gadan kaikai blo yu, ane wea dem spring wata wea i go kamaut andanit prom graun. Ane wea yu go gad plenti pikinini ane ol plenti animal.