Zenasis - Stat blo ebriting 21:7 - Torres Strait Creole (Yumplatok)

⁷ Ane Sera i bin spik gen, ‘Nobodi bin tingk ai go gad pikinini prom Eibram. Wa! Ai bin bone boi pikinini prom Eibram ane em i oulman.’

Zenasis - Stat blo ebriting 21:7 Referans Kwoze

Namba 2 leta po Sos blo Tesalonika 1:10

lo dat seimtaim wen Zizas Kraist go kambaik prom eben. Em go sain wea nadakain braitlait blo God ane ebriwan uda bilib ane pole em, dempla i go ona ane preiz em tu. Yupla gobi insaid lo dat grup blo ol dem pipol tu bikoz yupla i bin bilib dem tok blo mipla.

Leta po Sos blo Episis 3:10

God i bin gad dis plan prom de pas, prapa longtaim, ane dis plan em bin mekem lo Kraist, uda i bos blo yumpla. God i bin mekem demkain po soem prapa kliawan da waizwei blo em po dem einzel ane po dem bos blo debolspirit uda stap ebriwea ya raun. God i bin meke diswan solong dempla ken luk wiskain dem Zuwispipol ane dem Nozuwispipol i bin kam tugeda wea da sos blo God.

Zenasis - Stat blo ebriting 17:17

Den Eibram bin nildaun, pes blo em tase da graun, ane em bin lap ane tingk po emselp, ‘Sa! Wiskain man diswan i go gad pikinini wen em i kese 100 iya oul? Wiskain Sera diswan i go bone pikinini wen em i kese 90 iya oul?’

Zenasis - Stat blo ebriting 18:13

Da AntapGod bin aske Eibram, ‘Aukam Sera i bin lap ane spik po emselp, “Ei! Ai prapa aka nau. Wiskain ai go gad pikinini a?”

Zenasis - Stat blo ebriting 21:8

Aizak bin kam boi nau ane em i nomo dringke susu, so Eibram bin meke big kaikai lo seimtaim.