Zenasis - Stat blo ebriting 2:7 - Torres Strait Creole (Yumplatok)

⁷ Den da AntapGod i bin teke graun prom da lan ane em bin meke bodi blo wan man prom da graun. God i bin bloue win blo em wea i gad laip go insaid nos blo da man ane da man i bin kamlaip.

Zenasis - Stat blo ebriting 2:7 Referans Kwoze

Namba 1 leta po Sos blo Korint 15:45

Baibol i spik, ‘Pas man Adam, i bin kamlaip.’ Da las Adam, diswan i Kraist, em i da spirit wea i gibe laip.

Pas misnare wok 17:25

Em no nide eniting, em no nide nating prom pipol. No! Em gibe ol pipol laip ane ebriting wanem dempla i nidem.

Namba 1 leta po Sos blo Korint 15:47

Da pas man Adam, God i bin mekem prom graun blo dis wold. Da sekan man Kraist, i bin kam prom eben.

Zenasis - Stat blo ebriting 3:19

Yu go adwok lo laip blo yu po groe ol kaikai blo yu antil da dei wen yu go ded ane wen yu ded bodi blo yu go gobaigen po da graun. Ai bin meke yu prom da graun ane yu go gobaigen po da graun.’

Zenasis - Stat blo ebriting 7:22

Ebrisamting lo da drai graun wea i ole win i bin ded.

Leta po Sos blo Rom 9:20

Bat lugaut! Uda yupla po paine polt wea God. Yupla mas no tok diskain po God, no ansabaik em. Em bin meke yumpla. So yumpla kan aske em diskain, ‘God, aukam yu bin meke mi wase mi ya nau?’

Zenasis - Stat blo ebriting 3:23

Da AntapGod i bin sanewei Adam ane Ib go ausaid prom da gadan blo Iden, po digemape graun, plante gadan kaikai. I bin prom graun wea da AntapGod i bin meke man.

Leta po Ibrupipol 12:9

Yumpla ebribodi i gad papa ya lo ert uda i bin strete yumpla, ane yumpla i rispekt dempla. Wa, den i mina nadakain mo impotant, yumpla mata lisen po PapaGod wea gudat wen em i strete yumpla, solong yumpla i go gede longlaip poeba.

Namba 2 leta po Sos blo Korint 5:1

Yumpla sabe, dis bodi blo yumpla wea yumpla stap i wase tent. Wen yumpla go ded dis bodi i go pinis. Yumpla i go gad wan aus wea God i go gibem po yumpla. Dis aus i no bin mekem prom an blo ol pipol bat God i bin mekem. Dis aus i go mata oltaim stap de wea eben.

Namba 2 leta po Sos blo Korint 4:7

Bat truwan, dis prapa gudting, dis lait ane paua i sain nau wea mipla. Nomata mipla wase rabis, wase nating, bat God i bin gibe mipla da Gudniuz po soem kliawan da nadakain strongpaua i blo God ane no blo mipla.

Zon tokbaut Zizas 20:22

Den Zizas i bin bloue win prom maut blo em antap dempla ane spik, ‘Teke da OliSpirit.

Namba 1 leta po Timoti 2:13

I diskain bikoz God i bin meke Adam pas ane den em bin meke Ib.

Zenasis - Stat blo ebriting 2:6

Bat wata i bin kamap prom andanit da lan ane i bin go ebriwea ausaid ane wete ebriwea lo graun.

Zenasis - Stat blo ebriting 1:27

Wa, God i bin meke ol pipol wea seimkain imiz wase em. Em bin meke pipol po bi prapa wase em. Em bin meke dempla, man ane oman.