Zenasis - Stat blo ebriting 19:16 - Torres Strait Creole (Yumplatok)

¹⁶ Den Lot i bin wase apenap po go. So demtu einzel i bin kese an blo Lot ane pamle blo em bikoz da AntapGod i bin prapa soe gudpasin po Lot. Den demtu einzel i bin teke dempla gudwei go ausaid prom dat taun.

Zenasis - Stat blo ebriting 19:16 Referans Kwoze

Namba 2 leta prom Pita 2:9

So yupla luk nau, God i prapa sabe wiskain po seibe ol pipol uda bilib lo em prom ol trabol. Ane em sabe tu wiskain po panis dempla uda meke rongting. Em go kip panis dempla antil da lasdei wen em go zaze ebri pipol po wanem dempla i bin mekem.

Leta po Taitas 3:5

Em bin seibe yumpla, no bikoz prom dem rait ane stret ting yumpla i bin mekem, bat bikoz prom sorewei blo em. God bin wase sin blo yumpla go ausaid ane em bin gibe yumpla niulaip tru da OliSpirit.

Namba 2 leta po Sos blo Korint 1:3

Yumpla ebriwan mas liptemap neim blo God, da PapaGod blo BosLod blo yumpla, Zizas Kraist. God i da bos blo ebri sorewei ane em no blo panis. Wa, em i da God blo mina ebritaim meke at blo yumpla gud.

Zon tokbaut Zizas 6:44

No pipol i ken kam po mi demplaselp. I mata PapaGod i soe demwan po kam po mi. Ane ai go meke dempla gedap prom ded kamlaip wea da lasdei.

Luk tokbaut Zizas 18:13

‘Bat da taksman bin stanap lelbet longwei. Em no bin luk go antap po eben wen em bin prea bikoz em bin sem. Em bin nadakain sore po ol dem nugudting wea em bin mekem. Em bin krai ane singaut, “Plizgar, pogibe mi. Ai nadakain nugudman.”

Leta po Sos blo Rom 9:18

So daswai God i soe sorewei po eniwan wea em i wandem, ane ip em wandem, em ken meke at blo eniwan ad po no lisen po dem tok blo em.

Namba 2 leta prom Pita 2:7

Bat da seimtaim, God i bin tekemaut Lot kam ausaid prom Sodom bikoz em i bin prapa rait ane stretman lo God, ane bikoz em bin prapa nadakain atso prom luk dem nugudsin ane nugudting raun lo em.

Zenasis - Stat blo ebriting 19:15

Wen i bin stat po deilait, demtu einzel i bin trai po meke Lot po kuikwan kamaut. Demtu bin spik, ‘Teke oman blo yu ane tu gel blo yu ane kuikwan kamaut prom ya. Bambai yupla go wantaim lus wea ebridem nada pipol blo dis taun.’

Zenasis - Stat blo ebriting 43:10

Ip yu no bin weiste mipla taim, mipla diskaintaim bin tu ran godaun po Izipt.’