Zenasis - Stat blo ebriting 10:1 - Torres Strait Creole (Yumplatok)

¹ Diswan ya stori blo pamlelain blo Sem, Am ane Zapet, demtri boi blo Noa. Wen da prapa big pladwata i bin pinis, demtri boi blo Noa ya i bin gad ol plenti pikinini.

Zenasis - Stat blo ebriting 10:1 Referans Kwoze

Zenasis - Stat blo ebriting 9:7

Ane yu mas kam plenti ane gad plenti pikinini, solong ol pamlelain blo yupla go stap ebriwea lo ert.’

Zenasis - Stat blo ebriting 9:1

God i bin blese Noa ane ol boi blo em. Em bin spik diskain, ‘Yupla ol kam plenti ane meke plenti pikinini po stap ebriwea ya lo ert.

Zenasis - Stat blo ebriting 2:4

Diswan i wanem bin apen lo da taim wen da AntapGod i bin meke skai ane ebriting antap lo skai, ane ebriting wea i bin mekem ya daun lo lan. Wea da taim wen da AntapGod i bin meke lan ane ebriting wea lan ane skai,

Matiu tokbaut Zizas 1:1

Dis buk i tokbaut Zizas Kraist da Promiswan uda God i bin sanem, da wan uda i bin kamaut prom da pamlelain blo King Deibid ane blo Eibram:

Zenasis - Stat blo ebriting 9:19

Prom demtri boi blo Noa ya, ebri pipol blo da lan i bin kamaut, ane ol i bin go ebriwei lo ert.

Zenasis - Stat blo ebriting 6:9

Diswan ya stori blo Noa. Em bin gad tri boi pikinini kole dempla, Sem, Am ane Zapet. Noa i no bin meke nating rong wea ol pipol, ane Noa i bin meke ebriting rait ane stret prant wea God. Noa i bin ebritaim lisen ane pole God.

Zenasis - Stat blo ebriting 5:1

Diswan ya stori blo pamlelain blo Adam. Wea dat taim wen God i bin meke ol pipol, em bin meke dempla gad seimkain imiz wase God. Em bin meke dempla, man ane oman. Wen em bin meke dempla em bin blese dempla, ane kole dempla “pipol”.

Zenasis - Stat blo ebriting 5:32

Wen taim blo laip blo Noa i bin kese 500 iya em bin pinis gad tri boi pikinini, ane em bin kole dempla Sem, Am ane Zapet.

Zenasis - Stat blo ebriting 9:29

Wen Noa i bin ded, em i bin kese 950 iya oul.

Zenasis - Stat blo ebriting 10:2

Ol boi blo Zapet i bin Gomer, Magog, Madai, Zaban, Tubal, Mesek ane Tiras.